Úkimet jańa KazSat-3R ǵarysh bailanys júiesin qurýǵa 10 mlrd teńgeden asa qarajat bóldi, dep habarlaidy dalanews.kz.
Úkimet rezervinen KazSat-3R ǵarysh bailanys júiesin qurý jobasyn júzege asyrýǵa 10,4 mlrd teńgeden asa qarjy bólindi. Joba ulttyq spýtnik bailanys júiesi men telekommýnikatsiia salasyn damytýǵa baǵyttalǵan. Premer-ministr Oljas Bektenov tiisti qaýlyǵa qol qoidy.
Bólingen qarajat qoldanystaǵy KazSat-3 apparatyn almastyratyn jańa KazSat-3R spýtnik bailanys júiesin jasaýǵa jumsalady. KazSat-3-ti paidalaný merzimi 2029 jyly aiaqtalady. Jańa apparat ulttyq spýtnik bailanys júiesiniń úzdiksiz jumysyn qamtamasyz etedi.
Jobany júzege asyrý spýtnik bailanys jelileri men teleradio habar taratý júiesiniń turaqty jumysyn qamtamasyz etip, halyq az qonystanǵan jáne shalǵai eldi mekenderde internetke qoljetimdilikti keńeitýge múmkindik beredi. Sonymen qatar, aqparattyq qaýipsizdik deńgeii artyp, Qazaqstannyń tehnologiialyq egemendigi nyǵaiady.
Qazir KazSat bailanys júiesiniń múmkindikterin elimizdiń iri bailanys operatorlary men memlekettik qurylymdar paidalanady. Júie arqyly teleradio habarlaryn taratý, derek jetkizý, mobildi bailanys jáne internet qyzmeti kórsetiledi. Júiege 19 bailanys operatory qosylǵan jáne telehabar taratý qyzmetin 2 millionnan asa abonent paidalanady.
