ٷكٸمەت جاڭا KazSat-3R عارىش بايلانىس جٷيەسٸن قۇرۋعا 10 ملرد تەڭگەدەن اسا قاراجات بٶلدٸ, دەپ حابارلايدى dalanews.kz.
ٷكٸمەت رەزەرۆٸنەن KazSat-3R عارىش بايلانىس جٷيەسٸن قۇرۋ جوباسىن جٷزەگە اسىرۋعا 10,4 ملرد تەڭگەدەن اسا قارجى بٶلٸندٸ. جوبا ۇلتتىق سپۋتنيك بايلانىس جٷيەسٸ مەن تەلەكوممۋنيكاتسييا سالاسىن دامىتۋعا باعىتتالعان. پرەمەر-مينيستر ولجاس بەكتەنوۆ تيٸستٸ قاۋلىعا قول قويدى.
بٶلٸنگەن قاراجات قولدانىستاعى KazSat-3 اپپاراتىن الماستىراتىن جاڭا KazSat-3R سپۋتنيك بايلانىس جٷيەسٸن جاساۋعا جۇمسالادى. KazSat-3-تٸ پايدالانۋ مەرزٸمٸ 2029 جىلى اياقتالادى. جاڭا اپپارات ۇلتتىق سپۋتنيك بايلانىس جٷيەسٸنٸڭ ٷزدٸكسٸز جۇمىسىن قامتاماسىز ەتەدٸ.
جوبانى جٷزەگە اسىرۋ سپۋتنيك بايلانىس جەلٸلەرٸ مەن تەلەراديو حابار تاراتۋ جٷيەسٸنٸڭ تۇراقتى جۇمىسىن قامتاماسىز ەتٸپ, حالىق از قونىستانعان جەنە شالعاي ەلدٸ مەكەندەردە ينتەرنەتكە قولجەتٸمدٸلٸكتٸ كەڭەيتۋگە مٷمكٸندٸك بەرەدٸ. سونىمەن قاتار, اقپاراتتىق قاۋٸپسٸزدٸك دەڭگەيٸ ارتىپ, قازاقستاننىڭ تەحنولوگييالىق ەگەمەندٸگٸ نىعايادى.
قازٸر KazSat بايلانىس جٷيەسٸنٸڭ مٷمكٸندٸكتەرٸن ەلٸمٸزدٸڭ ٸرٸ بايلانىس وپەراتورلارى مەن مەملەكەتتٸك قۇرىلىمدار پايدالانادى. جٷيە ارقىلى تەلەراديو حابارلارىن تاراتۋ, دەرەك جەتكٸزۋ, موبيلدٸ بايلانىس جەنە ينتەرنەت قىزمەتٸ كٶرسەتٸلەدٸ. جٷيەگە 19 بايلانىس وپەراتورى قوسىلعان جەنە تەلەحابار تاراتۋ قىزمەتٸن 2 ميلليوننان اسا ابونەنت پايدالانادى.
