Búgin Úkimet otyrysynda saýda ministri Arman Shaqqaliev qytailyq jetkizýshilermen qolǵa alynǵaly jatqan B2B marketpleisin qurý týraly jobany jariialady, dep habarlaidy Dalanews.kz.
Arman Shaqqaliev aitýynsha, Qazaqstanda kóterme importty retke keltirýge jáne ShOB-ty qoldaýǵa baǵyttalǵan otandyq B2B-platformasyn iske qosý josparlanýda. Bul alań rásimderdi jeńildetý jáne jetkizýshilermen tikelei arnalar arqyly integratsiialaý úshin tsifrlyq sheshimderdi paidalanady.
"JD.com jáne Alibaba tobymen kelissózder júrgizýdi qosa alǵanda tsifrlyq sheshimderdi engizý, rásimderdi ońailatý jáne jetkizýshilermen tikelei arnalar arqyly integratsiialaý josparlanýda. Platformany tolyqqandy iske asyrý úshin sertifikattaý rásimderindegi tehnikalyq kedergilerdi alyp tastaý máselesi pysyqtalýda, Qazaqstan men QHR Úkimetteri arasyndaǵy 1996 jylǵy kelisimge ózgerister engizý talqylanýda",- dedi ministr.
B2B nysany jeke tulǵalar úshin emes, "biznesten bizneske deiingi" saýda belgisin bildiredi.
Aita ketsek, maýsym aiynyń basynda Memlekettik kirister komiteti qazaqstandyqtarǵa sheteldik internet-alańdarda satyp alynǵan taýarlar qunynyń 5% -yn salyq túrinde tóleýge mindetteletinin habarlady. Sol kezde marketpleisterdegi taýarlar Qazaqstanda qymbattaýy múmkin ekeni de aitylǵan. Sondai-aq saitymyzda marketpleiske bailanysty týyndaǵan qiyndyqtar týraly da jazǵanbyz.
