Reseı Ýkraınamen beıbitshilikke qol jetkizýge umtylýda, alaıda ýaqytsha bitimge kelispeıdi. Bul týraly RF prezıdentiniń baspasóz hatshysy Dmıtrıı Peskov málimdedi, dep habarlaıdy Dalanews.kz
«Biz beıbitshilikti qalaımyz. Biraq Ýkraına kidiris alyp, soǵysty ary qaraı jalǵastyrýǵa daıyndalyp, kúsh alýyn qalamaımyz. Ol úshin ýaqytsha bitim qajet emes», – dedi Peskov. Ol Kıevtiń Rojdestvoǵa oraı bitim jarıalaý jónindegi usynysyna Máskeýdiń kózqarasy qandaı degen suraqqa osylaı jaýap berdi.
«Qazir másele prezıdent Tramp aıtqandaı, mámilege kelemiz be, álde kelmeımiz be – soǵan tirelip tur… Eger ýkraın tarapynda naqty mámilege kelýdiń ornyna bir sáttik ári qysqa sheshimderdi usyný nıeti basym bola bastasa, onda biz mundaı proseske qatysýǵa daıyn emes ekenimiz anyq», – dep atap ótti Kreml ókili.
