رەسەي ۋكراينامەن بەيبىتشىلىككە قول جەتكىزۋگە ۇمتىلۋدا، الايدا ۋاقىتشا بىتىمگە كەلىسپەيدى. بۇل تۋرالى رف پرەزيدەنتىنىڭ باسپا ءسوز حاتشىسى دميتريي پەسكوۆ مالىمدەدى، دەپ حابارلايدى Dalanews.kz
«ءبىز بەيبىتشىلىكتى قالايمىز. ءبىراق ۋكراينا كىدىرىس الىپ، سوعىستى ارى قاراي جالعاستىرۋعا دايىندالىپ، كۇش الۋىن قالامايمىز. ول ءۇشىن ۋاقىتشا ءبىتىم قاجەت ەمەس»، – دەدى پەسكوۆ. ول كييەۆتىڭ روجدەستۆوعا وراي ءبىتىم جاريالاۋ جونىندەگى ۇسىنىسىنا ماسكەۋدىڭ كوزقاراسى قانداي دەگەن سۇراققا وسىلاي جاۋاپ بەردى.
«ءقازىر ماسەلە پرەزيدەنت ترامپ ايتقانداي، مامىلەگە كەلەمىز بە، الدە كەلمەيمىز بە – سوعان تىرەلىپ تۇر… ەگەر ۋكراين تاراپىندا ناقتى مامىلەگە كەلۋدىڭ ورنىنا ءبىر ساتتىك ءارى قىسقا شەشىمدەردى ۇسىنۋ نيەتى باسىم بولا باستاسا، وندا ءبىز مۇنداي پروسەسكە قاتىسۋعا دايىن ەمەس ەكەنىمىز انىق»، – دەپ اتاپ ءوتتى كرەمل وكىلى.
