Eshkim úiretpeitin nárse týraly aityp berem
Kádýilgi ómirdiń sheginen shyǵaratyn qubylysty aitamyn. Máselen, ata-anańyzdan enshińizdi alyp, irgeńizdi bólek salýǵa sebep bolatyn. Eski jumysty tastap, bárinen baz keshtiretin. Bir nárse bolsa da shynaiy isteýge yqpal etetin!
Shynaiy ómirde alatyn tájiribe oqý ordasyndaǵy alǵan bilimniń sheginen talai jerge asyp ketedi. Qajetti qabiletti adam tek ózin tapqanda ǵana damyta alady. Báske bar bailyǵyńdy tigip qana jeńýge bolady. Biraq bárinen bir-aq sátte tutas aiyrylýyń da múmkin. Tájiribe – qabiletti eseleitin qasiet. Qabilet pen qasiet bárinen bas tartqanda ǵana boi kóteredi. Shyn máninde kerekti, qajetti, mańyzdy nársege tek osylai qol jetkizýge bolady. Kerekti qabilet pen qasietke iemin dep esepteisiz be?
Siz qatelesesiz!
Meniń bar aitpaǵym: ómir degen oiynda sizdiń tittei de múmkindigińiz joq. Nege?
- Utylysyńyz az.
- Ózińizdiń qabiletsizdigińizge rizasyz, kúsh jumsap, úlken armanǵa qol sozýǵa nietińiz joq.
- Shet tilin meńgerý kerek edi dep aitasyz, biraq ony úirenýge talpynbaisyz.
- Bir buryshta «tynysh» otyrǵandy unatasyz nemese qiyn jumysty erteńge qaldyrasyz.
- Óz jumysyńyzdy jek kóresiz, biraq jańasyn izdeýge qulyqsyzdyq tanytasyz.
Siz osynda ai qarap otyrǵan kezde, men qatelikterimdi túzep, ózimdi synap, jańany zerttep jatyrmyn
- Men jeńilgen kezde kóp nárseni úirenemin. Ózimniń ómirlik jolymdy ózgertemin. Meniń jolym tek alǵa bastaidy. Temirdi balqytyp, shynyqtyrǵan siiaqty. Ottan ótip, jańa pishinge ie bolam. Aldaspannyń pishinine túsemin. Júzi jyltyldap turatyn. Bul aldaspan sizdi týrap tastaidy. Eger bel sheship, ózińizdi qolǵa almasańyz, jaǵdaiyńyz múshkil.
- Ózgeniń pikirinen úrkesiz. Jurttyń sózine quraq ushasyz. Solar ne der eken dep ómir súresiz. Óitkeni, búkil álem sizdiń boiyńyzdan ne kóredi dep qorqasyz. Ózgeni tildegen soń osylai tómen oilaisyz. Ózgeler de sizdi sógýi tiis siiaqtanyp turady. Sizdiń janyńyzdy jinaǵan dúnieńiz mazalaidy. Al, qandai áreket jasaǵanyńyzǵa esep bermeisiz.
- Aqshańyzdy jańa kiimge, kólikke, qymbat taǵam men qydyrystarǵa shashyp júrgenińizde, men ózimdi izdep júrmin. Siz ózge álemniń syqpytyna eliktep, solardai bolýǵa tyrysyp júrgende, men ózgelerdiń maǵan elikteýine jol ashamyn.
- Barlyq kúdik-kúmándi sypyryp tastap, búkil álemge ózimniń shynaiy bolmysymdy kórsetemin. Ózgeniń pikirine immýnitetim kúshti. Men tek jańa oidyń jeteginde ómir súremin. Siz amal joq dep kónbistik tanytyp jatqanda, men tańǵajaiyp ómirdi zertteýge kirisip kettim.
Shyn bolmysyńyzdan ózińizdi áldeqaida aqyldymyn dep esepteisiz
- Shyn máninde siz ózgeler ne jasasa, sony istedińiz. Ózgeler jattaǵandy jattadyńyz. Oqýǵa tiistini oqydyńyz. Tek testten ótý úshin ǵana oqysańyz, nege aqyldy bolyp ketpedińiz?
- Bilim ne úirengenińde emes, ol qalai ómir súrýińde.
- Eger qajet bolsa, men de testten óte alamyn. Al, siz meniń aldymnan ómir týdyrǵan qiyndyqtardy jeńe alasyz ba? Bul test ballmen, paiyzben emes, tek tiri qalýmen baǵalanady.
Siz kerektini oqymaisyz
- Kerek dúnieni ǵana oqisyz. Nemese múlde oqymaisyz. Tarihty ishpystyrarlyq dep bilesiz. Al, pálsapany – topastyq deisiz. Odan da teleshoý kórip, divanda jatqandy jón sanaisyz. Jańa bir nárseni bilip, sony oidyń jeteginde ketýge qorqasyz. Ózge adamnyń oiyn túsinýge tyrysqansha, ainalany baiyptaǵansha, solai jata bergen ońai.
- Bizge deiin ómir súrgen ata-baba sózinde ómirdiń shyndyǵy baryn moiyndamaisyz.
- Kerekti kitaptyń bárin dúkennen nemese internetten tabýǵa bolady. Biraq siz bul maqalany da oqyǵyńyz kelmeidi ǵoi. Muny oqyp otyrǵan adamdar munyń barlyǵyn onsyzda biletinder bolar. Jylqyny sýatqa aidaýǵa bolady. Biraq sýdy zorlyqpen ishkize almaisyń.
Tanymyńyz tereń emes
- Óitkeni, jańalyqtyń bárin qadaǵalanatyn BAQ-tan bilip otyrasyz. Olar bir-birinen kóshiredi. Óitkeni, siz oilanyp, «Munyń barlyǵy ótirik bolsa she?» degen suraq qoia almaisyz. Shynymen ótirik aqparat alyp otyrmyn-aý dep qysylmaisyz. BAQ-tyń basty maqsaty: eń mańyzdy dúnieden sizdiń kóńilińizdi buryp áketý.
Sizde bilimge degen qulshynys joq, mende bar!
- Telefonda oiyn oinap otyrǵanyńyzda, men perneler teoriiasy men kvant mehanikasynyń negizderin oqyp otyrmyn.
- Ózińiz týraly joǵary pikirge masaiyp otyrǵanyńyzda, men túrli kózqarasty bildiretin dálelderdi salystyryp, olardyń kemshiligin baǵalaimyn. Siz maǵan ne dep qarsy keletinińizdi aldyn ala esepteimin.
- Siz bir adamnyń jaǵyna shyqsańyz, men eki jaqtyda saralaimyn. Eger men sizdiń jaǵyńyzǵa shyǵyp, sizdiń sózińizdi sóilesem, onda men jeńemin. Tipti týra sol taqyrypta qarsy baǵytta sizdiń ózińizdi de jeńip ketken bolsam da.
Siz suraq qoimaisyz
- Bedeldi adamdarǵa kúmán keltirmeisiz. Ózińizden nege dep suramaisyz da.
- Durys qoiylǵan suraqtyń mánin túsinbeisiz. Syilap tursa da kelispeitindikti túsine almaisyz. Sizben kelispeitin adamnyń óz pikirine adal bolyp qalýyn túsinbeisiz.
- Shynaiylyq týraly suraqtar qoimaisyz. Birsaryndy ómirdegi bos tirshilik úshin bolmashy kúresińiz bitpeidi.
Aqiqat sizdi shoshytady
- Eshteńeden habaryńyz joq ekenin moiyndańyz. Bul maqala shamyńyzǵa tigen bolar. Bosqa ótkizgen ómirińiz, tekke ketken ýaqytyńyz maqalany oqyǵannan ózgermeidi.
- Ainaladaǵy bolyp jatqan qubylystarǵa mán bermei, tikbaqai ómirge etińiz ólip ketken. Shyndyqqa kóz juma qarap jaman úirengensiz. Tilińizdi shyǵaryp, shyndyqtyń dámin tatyp kórseńiz, onyń qanshalyqty tátti ekenin biler edińiz.
- Sonda shyn mánisinde mańyzdy, qajetti nárselerdi isteýge kedergi jasaityn tek ózińiz ǵana ekendigińizge kóz jetkizesiz.
Aýdarǵan Shynar ÁBILDÁ
