Saz aspaptary Tian-Shan shyrshasy, Kanadada ósirilgen emen jáne qaiyń siiaqty aǵashtardyń túrlerinen jasalǵan. Aǵashtardyń qylqan japyraqty jáne qyzyl túrlerinen jasalǵan aspaptardyń materialy dombyra úshin keremet akýstikalyq dybys beretini belgili.
Aspaptardy áigili qazaqstandyq sheber Jolaýshy Turdyǵulov jasady.
– Ónerdiń bizdiń árqaisymyz úshin berer áseri mol. Onyń bizdiń sanamyzdy ózgertip, halyqtar men elderdi jigerlendirýge ári biriktirýge qabileti zor. Sol úshin de, biznestiń ókilderi retindegi bizdiń mindetimiz – óner qairatkerlerine qoldaý kórsetý. Men óz otbasymnyń ári kompaniiamyzdyń atynan qazaqtyń halyq mýzykasyn oryndaýshy – Qazaqstannyń eki jetekshi orkestrine dombyrany tartý etemin. Bizdiń mýzykanttarymyzdyń shyǵarmashylyǵy elimizdiń bedelin álemdik deńgeide asqaqtatady degen senimdemin, – dedi Freedom Holding Corp. bas atqarýshy direktory Timýr Týrlov.
Qurmanǵazy jáne N.Tilendiev atyndaǵy orkestrler – elimizdiń ulttyq maqtanyshy. Mýzykanttarymyz kóptegen shet elderde gastroldik saparlarmen óner kórsetip, memleket basyndaǵy adamdardyń saparlaryn mýzykamen súiemeldeidi ári bizdiń biregei mádenietimizdi eń joǵary deńgeide tanytady.
Aita keterligi, biyl «Otyrar sazy» akademiialyq folklorlyq-etnografiialyq orkestri óziniń 40 jyldyǵyn toilaidy.
Al Qurmanǵazy atyndaǵy Qazaq ulttyq halyq aspaptar orkestri 2023 jyly óziniń 90 jyldyq mereitoiyn atap ótedi.
Dalanews.kz anyqtamasy:
«Fridom Finans» AQ óz klientterine KASE jáne AIX birjalarynda brokerlik qyzmet kórsetýdi, baǵaly qaǵazdardyń baǵa belgilenimin qoldaý boiynsha jáne qarjylyq konsalting salasyndaǵy, boryshtyq jáne úlestik qarjylandyrýdy uiymdastyrý boiynsha marketmeiker qyzmetterin usynady.
Qurmanǵazy atyndaǵy Qazaq ulttyq halyq aspaptar orkestri – kóbine halyq mýzykasyn oryndaityn mýzykalyq ujym, ol úshin qazaqtyń saz aspaptaryn paidalanady. Ol 1933 jyly Alma-Ata qalasynda mýzykalyq-dramalyq tehnikým (qazir P.I. Chaikovskii atyndaǵy Almaty mýzykalyq kolledji) janynan dombyra ansambli retinde quryldy. 1944 jyly orkestrge qazaqtyń uly kúishi-kompozitory Qurmanǵazy Saǵyrbailynyń aty berildi. 1967 jyldan beri Qazaqstannyń eńbegi sińirgen ujymy, 1978 jyldan beri akademiialyq orkestri. Orkestrdiń repertýarynda qazaq jáne shetel kompozitorlarynyń úilesimdi ári polifoniialyq dybystardyń zamanaýi túsindirmesine, kóp daýysqa bai týyndylary bar. Ár jyldary orkestrdiń dirijerlary Qazaqstannyń halyq artisi L. Hamidi, Qazaqstannyń eńbek sińirgen óner qairatkerleri L. Shargorodskii, K. Mýsin, A. Jaiymov, KSRO-nyń halyq artisi M. Tólebaev, Sh. Qajyǵaliev jáne t.b. boldy.
«Otyrar sazy» – N. Tilendiev atyndaǵy qazaqtyń memlekettik akademiialyq folklorlyq-etnografiialyq halyq aspaptar orkestri. Ol 1980 jyly Qazaq filarmoniiasynyń janynan quryldy. «Otyrar sazynyń» kórkemdik jetekshisi men bas dirijeri Nurǵisa Tilendiev aldymen shaǵyn ansambl qurdy, al 1982 jyly oǵan orkestr mártebesi berildi.
Orkestrde dombyra men qobyzdan basqa qazaqtyń jetigen, sherter, shańqobyz, mesqobyz, syrnai, sazsyrnai, sybyzǵy, asataiaq, daýylpaz, tuiaqtas, qońyraý t.b. saz aspaptary bar. «Otyrar sazy» repertýaryna folklorlyq týyndylar da, sondai-aq Qazaqstan kompozitorlarynyń ańyz, shejire, kúi siiaqty ulttyq naqyshtaǵy shyǵarmalary kiredi. Sondai-aq orkestrdiń repertýary kinofilmderdiń mýzykasymen, jeke oryndaýshylardyń oryndaýyndaǵy aspaptyq shyǵarmalarmen tolyqtyrylǵan. Ujym qazaqtyń mýzykalyq folklorynyń tamasha úlgilerin saqtap qana qoimai, sondai-aq zamanaýi aspaptar men orkestrdiń tembrine sáikes keletin týyndylardy óńdep, jetildirip keledi. «Otyrar sazy» orkestriniń quramynda 65 óner sheberi qyzmet etedi. 1999 jyly orkestrge N. Tilendievtiń esimi, al 2000 jyly Akademiialyq ataq berildi. Orkestrdiń repertýarynda halyqtyń «Keńes», «Sary ózen», «Sal kúreń» kúileri, halyq kompozitorlarynyń «Qosbasar», «Sary jailaý», Táttimbettiń «Sylqyldaǵy», «Erdenniń kúii», Yqylastyń «Qambar batyry», M. Tólebaevtyń «Eske alýy», N. Tilendievtiń «Ata tolǵaý», «Qosh kerýeni», K. Kúmisbekovtyń «Qorqyt kúii», «Farabi sazy» jáne t.b. bar. 2009 jyldan beri Orkestrdiń kórkemdik jetekshisi ári bas dirijeri – Dinara Tilendieva.
