Kompozitor Qýat Ábilov "Baian sulý" laqap atymen belgili ánshi Baiansulý Saǵyndyqova aqshasyn qaitarmai júrgenin málimdedi, dep habarlaidy Dalanews.kz.
Qýat Ábilov ánshiniń keiingi kezderi hitke ainalǵan bes ániniń avtory.
"Baiansulý basynda kelgen kezde eshqandai aty da, áni de joq bolyp, "aǵa, meni hit qylyńyzshy" dedi. Qolymnan kelgenshe jumys istep, bes án jazyp, beseýi de hit boldy. Qazirgi másele - meniń ánderime qalamqay tólenbegen. Men tegin jumys istedim. Men naqty talap etken qalamaqymdy tóleýden bas tartyp jatyr. Maǵan qysym boldy, birneshe adam habarlasty. "Sen toqtat, myna nárseńdi qoi" dedi. Qalamaqymnyń baǵasyn túsirgisi keldi. "Men ándi aitpasam, ol ánder hit bolmas edi" dedi. Bul maǵan qurmetiniń joqtyǵyn kórsetedi, - deidi kompozitor.
Kompozitordyń sózinshe, ánshi ony sotqa shaqyryp jatyr.
"Men barlyq platformadan ándi óshirip, ony oryndaýǵa ruqsat bermei jatyrmyn. Sol sebepti meni sotqa shaqyryp jatyr. Sonda ádildik qaida? Meniń menshigimde eshteńe joq. Bes balam bar. Jańa prodiýserine de naqty qalamaqymdy aittym. Aqyr sońynda meni qysymmen sotqa shaqyryp jatyr. Óte ókinishti nárse, - deidi kompozitor.
Ánshiniń ózi bul jaitqa qatysty ázirshe pikir bildirmegen.
