15 jyl boiy Apple kompaniiasyn basqarǵan Tim Kýk tizgindi uzaq jyldan beri osy júiede eńbek etip kele jatqan Djon Ternýsqa tapsyrmaq. Resmi aýys-túiis 2026 jyly 1 qyrkúiekte ótedi, dep habarlaidy Dalanews.kz.
Tim Kýktyń jetekshiligimen kompaniianyń naryqtaǵy quny 4 trln dollarǵa jetti. Endi ol direktorlar keńesiniń atqarýshy tóraǵasy qyzmetine aýysyp, álemdik kóshbasshylarmen bailanysqa jáne Qytai baǵytyndaǵy jumystarǵa den qoimaq.
Apple-dyń jańa bas direktory 50 jastaǵy Djon Ternýs bolmaq. Ol kompaniiada 25 jyldan beri eńbek etedi. 2021 jyldan bastap apparat injeneriia baǵytyn basqarady. Kompaniia ishinde ony "Kishi Tim" dep ataityndar da bar.
Djon Ternýs - kópshilik aldyna jii shyqpaidy, dese de ónimmen tikelei jumys isteitin injener ári strateg. Onyń aldynda turǵan basty mindet - jasandy intellekt baǵytyn kúsheitý. Sarapshylardyń sózinshe, qazir bul salada Apple birshama artta qalyp otyr.
Jańa basshynyń jetekshiligimen kompaniia jasandy intellektige negizdelgen kózildirik, kamerasy bar aqyldy alqa, jańartylǵan AirPods jáne úige arnalǵan robot tehnikasyn ázirleýdi qolǵa almaq.
