Kórshisiniń túiesin urlaǵan qyzylordalyq 5 jylǵa sottaldy, dep habarlaidy Dalanews.kz.
Aral aýdandyq sotynda Qazaqstan Respýblikasynyń Qylmystyq Kodeksiniń 188-1-baby 3-bóliginiń 2)-tarmaǵy boiynsha sottalýshy D.-ǵa qatysty qylmystyq is qaraldy.
Sottalýshy buryn menshikke qarsy aýyr qylmys jasaǵany úshin sottalǵan bola tura, tiisti qorytyndy jasamai, bótenniń malyn jasyryn urlaý maqsatynda kórshisiniń úiiniń aýlasyna qorshaýdan sekirip túsý arqyly zańsyz kirip, mal qorasynan bir bas túieni jetektep alyp ketken.
Qylmystyq áreket saldarynan jábirlenýshige 800 000 teńge mólsherinde múliktik ziian keltirilgen.
Sottalýshynyń kinási onyń moiyndaǵan jaýabymen, jábirlenýshi men kýániń jaýaptarymen, is boiynsha basqa da dáleldemeler jiyntyǵymen dáleldengen.
Sot úkimimen sottalýshy D. QR QK-niń 188-1-baby 3-bóliginiń 2)tarmaǵymen kináli dep tanylyp, 5 jyl merzimge bas bostandyǵynan aiyrý jazasy taǵaiyndaldy.
