Shyǵysta 2023 jyly infraqurylymdy damytýǵa erekshe kóńil bólinýde. Josparda 6,2 mlrd teńgege 75 jobany júzege asyrý, onyń ishinde 2,2 mlrd teńgege 49 másele aqparattyq-túsindirý toptarymen kezdesý aiasynda qarastyrylýda.
Turǵyndardy sapaly sýmen jáne sý burý júiesimen qamtamasyz etý salasynda Maleevsk jáne Pýtintsevo aýyldarynda sý qubyry jelilerin salý boiynsha 950 mln teńge somasyna 2 investitsiialyq jobany iske asyrý bastalady. «Alians XXI» JShS merdigerlik uiymy anyqtaldy.
– Aýdannyń 11 aýylynda sý qubyrlaryn jóndeý jumystary júrgizilip, aýdandyq biýdjet esebinen 89 mln teńge qarastyrylǵan, jumystardyń aiaqtalý merzimi aǵymdaǵy jyldyń 30 qyrkúiegi dep boljanýda.
Sonymen qatar jol-kólik infraqurylymy salasynda jol jóndeý jumystaryna, 2 aýyl kópirin, Altai jáne Serebriansk qalalarynyń kóshelerin, aýdannyń 10 kenti men aýylyn jóndeýge 503 mln teńge qarastyrylǵan. Jumystar bastaldy, jumys 2023 jylǵy 30 tamyzǵa deiin aiaqtalady.
Abattandyrý salasynda Altai jáne Serebriansk qalalarynda, aýdannyń 8 aýylynda 98 mln teńgege balalar jáne sport alańdaryn jabdyqtaý jáne abattandyrý jumystary, 2023 jylǵy 30 qyrkúiekke deiin jumystardy aiaqtaý josparlanýda, jáne Altai qalasyndaǵy 60 páterli turǵyn úidiń aýmaǵyn syrtqy injenerlik jelilermen, sý, káriz, telefon tartý, jylý jelileri jáne elektrmen qamtý syndy abattandyrýǵa oblystyq biýdjetten 133,8 mln teńge bólindi, – dedi Altai aýdany ákiminiń orynbasary.
Týrizm Altai aýdany damýynyń jańa vektory bolyp tabylady. Jańa Buqtyrma eldi mekenin damytý boiynsha naqty is-sharalar jospary ázirlendi. Jobada Jańa Buqtyrma eldi mekeniniń ortalyq bóligin abattandyrý qarastyrylǵan, brifing barysynda soǵan sáikes jobalyq-smetalyq qujattama ázirlengenin aitty.
– Oblys ákiminiń tapsyrmasy boiynsha Jańa Buqtyrma kenti men Buqtyrma jaǵalaýynyń týrizmin damytý boiynsha is-sharalar jospary ázirlendi. Aýdan ákimi birneshe ret turǵyndarmen kezdesip,túsindirý jumystaryn júrgizdi.
Jalpy bul jumystar 3 kezeńge bólingen. 2023 jyly Jańa Buqtyrma kentiniń ortalyq bóligin abattandyrý, 200 oryndyq qazaq mektebin salý,kósheni jaryqtandyrý júiesin jańǵyrtý, dárigerlik ambýlatoriiany kúrdeli jóndeý, kirme jáne kent ishindegi joldardy ortasha jóndeý, demalys bazalaryna baratyn jaiaý júrginshilerge arnalǵan jáne velojoldar salý kózdelgen. Biylǵy jyly osyndai jumystar qarastyrylǵan. Al 2024 jyly «Arbat» jaiaý serýendeý aimaǵyn jáne qoǵamdyq jaǵajaidy abattandyrý, 2 avtomashinaǵa arnalǵan órt sóndirý beketiniń qurylysy josparlanǵan. 2025 jyly Jańa Buqtyrma kentiniń artyndaǵy «Kochevnik» kafesi aýmaǵyna saiabaq salý kózdelip otyr, – dedi Janna Asqarova.
