شىعىستا 2023 جىلى ينفراقۇرىلىمدى دامىتۋعا ەرەكشە كوڭىل بولىنۋدە. جوسپاردا 6،2 ملرد تەڭگەگە 75 جوبانى جۇزەگە اسىرۋ، ونىڭ ىشىندە 2،2 ملرد تەڭگەگە 49 ماسەلە ءاقپاراتتىق-تۇسىندىرۋ توپتارىمەن كەزدەسۋ اياسىندا قاراستىرىلۋدا.
تۇرعىنداردى ساپالى سۋمەن جانە سۋ بۇرۋ جۇيەسىمەن قامتاماسىز ەتۋ سالاسىندا مالەيەۆسك جانە پۋتينسيەۆو اۋىلدارىندا سۋ قۇبىرى جەلىلەرىن سالۋ بويىنشا 950 ملن تەڭگە سوماسىنا 2 ينۆەستيسيالىق جوبانى ىسكە اسىرۋ باستالادى. «اليانس XXI» ج ش س مەردىگەرلىك ۇيىمى انىقتالدى.
– اۋداننىڭ 11 اۋىلىندا سۋ قۇبىرلارىن جوندەۋ جۇمىستارى جۇرگىزىلىپ، اۋداندىق بيۋدجەت ەسەبىنەن 89 ملن تەڭگە قاراستىرىلعان، جۇمىستاردىڭ اياقتالۋ مەرزىمى اعىمداعى جىلدىڭ 30 قىركۇيەگى دەپ بولجانۋدا.
سونىمەن قاتار جول-كولىك ينفراقۇرىلىمى سالاسىندا جول جوندەۋ جۇمىستارىنا، 2 اۋىل كوپىرىن، التاي جانە سەرەبريانسك قالالارىنىڭ كوشەلەرىن، اۋداننىڭ 10 كەنتى مەن اۋىلىن جوندەۋگە 503 ملن تەڭگە قاراستىرىلعان. جۇمىستار باستالدى، جۇمىس 2023 جىلعى 30 تامىزعا دەيىن اياقتالادى.
اباتتاندىرۋ سالاسىندا التاي جانە سەرەبريانسك قالالارىندا، اۋداننىڭ 8 اۋىلىندا 98 ملن تەڭگەگە بالالار جانە سپورت الاڭدارىن جابدىقتاۋ جانە اباتتاندىرۋ جۇمىستارى، 2023 جىلعى 30 قىركۇيەككە دەيىن جۇمىستاردى اياقتاۋ جوسپارلانۋدا، جانە التاي قالاسىنداعى 60 پاتەرلى تۇرعىن ءۇيدىڭ اۋماعىن سىرتقى ينجەنەرلىك جەلىلەرمەن، سۋ، كارىز، تەلەفون تارتۋ، جىلۋ جەلىلەرى جانە ەلەكترمەن قامتۋ سىندى اباتتاندىرۋعا وبلىستىق بيۋدجەتتەن 133،8 ملن تەڭگە ءبولىندى، – دەدى التاي اۋدانى اكىمىنىڭ ورىنباسارى.
تۋريزم التاي اۋدانى دامۋىنىڭ جاڭا ۆەكتورى بولىپ تابىلادى. جاڭا بۇقتىرما ەلدى مەكەنىن دامىتۋ بويىنشا ناقتى ءىس-شارالار جوسپارى ازىرلەندى. جوبادا جاڭا بۇقتىرما ەلدى مەكەنىنىڭ ورتالىق بولىگىن اباتتاندىرۋ قاراستىرىلعان، بريفينگ بارىسىندا سوعان سايكەس جوبالىق-سمەتالىق قۇجاتتاما ازىرلەنگەنىن ايتتى.
– وبلىس اكىمىنىڭ تاپسىرماسى بويىنشا جاڭا بۇقتىرما كەنتى مەن بۇقتىرما جاعالاۋىنىڭ ءتۋريزمىن دامىتۋ بويىنشا ءىس-شارالار جوسپارى ازىرلەندى. اۋدان اكىمى بىرنەشە رەت تۇرعىندارمەن كەزدەسىپ،ءتۇسىندىرۋ جۇمىستارىن جۇرگىزدى.
جالپى بۇل جۇمىستار 3 كەزەڭگە بولىنگەن. 2023 جىلى جاڭا بۇقتىرما كەنتىنىڭ ورتالىق بولىگىن اباتتاندىرۋ، 200 ورىندىق قازاق مەكتەبىن سالۋ،كوشەنى جارىقتاندىرۋ جۇيەسىن جاڭعىرتۋ، دارىگەرلىك امبۋلاتوريانى كۇردەلى جوندەۋ، كىرمە جانە كەنت ىشىندەگى جولداردى ورتاشا جوندەۋ، دەمالىس بازالارىنا باراتىن جاياۋ جۇرگىنشىلەرگە ارنالعان جانە ۆەلوجولدار سالۋ كوزدەلگەن. بيىلعى جىلى وسىنداي جۇمىستار قاراستىرىلعان. ال 2024 جىلى «اربات» جاياۋ سەرۋەندەۋ ايماعىن جانە قوعامدىق جاعاجايدى اباتتاندىرۋ، 2 اۆتوماشيناعا ارنالعان ءورت ءسوندىرۋ بەكەتىنىڭ قۇرىلىسى جوسپارلانعان. 2025 جىلى جاڭا بۇقتىرما كەنتىنىڭ ارتىنداعى «كوچيەۆنيك» كافەسى اۋماعىنا ساياباق سالۋ كوزدەلىپ وتىر، – دەدى جاننا اسقاروۆا.
