Biýdjet tapshylyǵyna urynyp otyrǵan Túrkiia iahta, motorly qaiyq jáne basqa da sý betinde serýendeýdi qamtamasyz etetin quraldardy satyp alýshylarǵa 8% kóleminde arnaiy salyq túrin engizdi. Sonymen qatar bul salyq túri teńiz saiahatyna arnalmaǵan shaǵyn krýizdik kemeler men jolaýshylar kemelerine qatysty da qoldanylady, dep habarlaidy Dalanews.kz.
Atalǵan sheshim birden kúshine endi, dep habarlaidy Interfaks.
Buǵan deiin "liýks" klasyndaǵy kemelerge salyq salynbaǵan. Áý basta, arnaiy tutynýshylyq salyq (special consumption tax) Túrkiiada sándi ári baǵaly taýarlarǵa qatysty engizilgen, biraq qazir ol avtomobilder men smartfondarǵa qatysty qoldanylyp júr. Osylaisha, úkimet biýdjet kirisin ulǵaitýǵa tyrysady.
Bilik aǵymdaǵy jyly JIÓ-niń 3,1% mólsherinde biýdjet tapshylyǵy bolýy múmkin dep boljaidy. Alaida Qarjy ministrligi bul kórsetkishke qol jetkizilmeýi múmkin ekenin eskertken, óitkeni kiris bóligi boljamdarǵa sai kelmei, artta qalýda.
Aita ketsek, jalaqy óskenimen,joǵary infliatsiiaǵa urynǵan Qazaqstan halqy odan túk paida kórmeýde. Bul rette Finprom saraptamasyn alǵa tartamyz.
Biýdjet tapshylyǵyna urynǵan Qazaqstanda 2026 jyly 1 qańtardan bastap QQS mólsheri 12-den 16 paiyzǵa ósedi.
