بيۋدجەت تاپشىلىعىنا ۇرىنىپ وتىرعان تٷركييا ياحتا, موتورلى قايىق جەنە باسقا دا سۋ بەتٸندە سەرۋەندەۋدٸ قامتاماسىز ەتەتٸن قۇرالداردى ساتىپ الۋشىلارعا 8% كٶلەمٸندە ارنايى سالىق تٷرٸن ەنگٸزدٸ. سونىمەن قاتار بۇل سالىق تٷرٸ تەڭٸز ساياحاتىنا ارنالماعان شاعىن كرۋيزدٸك كەمەلەر مەن جولاۋشىلار كەمەلەرٸنە قاتىستى دا قولدانىلادى, دەپ حابارلايدى Dalanews.kz.
اتالعان شەشٸم بٸردەن كٷشٸنە ەندٸ, دەپ حابارلايدى ينتەرفاكس.
بۇعان دەيٸن "ليۋكس" كلاسىنداعى كەمەلەرگە سالىق سالىنباعان. ەۋ باستا, ارنايى تۇتىنۋشىلىق سالىق (special consumption tax) تٷركييادا سەندٸ ەرٸ باعالى تاۋارلارعا قاتىستى ەنگٸزٸلگەن, بٸراق قازٸر ول اۆتوموبيلدەر مەن سمارتفوندارعا قاتىستى قولدانىلىپ جٷر. وسىلايشا, ٷكٸمەت بيۋدجەت كٸرٸسٸن ۇلعايتۋعا تىرىسادى.
بيلٸك اعىمداعى جىلى جٸٶ-نٸڭ 3,1% مٶلشەرٸندە بيۋدجەت تاپشىلىعى بولۋى مٷمكٸن دەپ بولجايدى. الايدا قارجى مينيسترلٸگٸ بۇل كٶرسەتكٸشكە قول جەتكٸزٸلمەۋٸ مٷمكٸن ەكەنٸن ەسكەرتكەن, ٶيتكەنٸ كٸرٸس بٶلٸگٸ بولجامدارعا ساي كەلمەي, ارتتا قالۋدا.
ايتا كەتسەك, جالاقى ٶسكەنٸمەن,جوعارى ينفلياتسيياعا ۇرىنعان قازاقستان حالقى ودان تٷك پايدا كٶرمەۋدە. بۇل رەتتە Finprom ساراپتاماسىن العا تارتامىز.
بيۋدجەت تاپشىلىعىنا ۇرىنعان قازاقستاندا 2026 جىلى 1 قاڭتاردان باستاپ ققس مٶلشەرٸ 12-دەن 16 پايىزعا ٶسەدٸ.
