Túrkiiada ońtústikqazaqstandyq ónerpazdar óner kórsetýde
Elbasynyń «Bolashaqqa baǵdar: rýhani jańǵyrý» maqalasy men Qazaqstan men Túrkiia arasyndaǵy diplomatiialyq qarym-qatynastardyń 25 jyldyǵyna orai uiymdastyrylǵan memleketaralyq mańyzdy sharaǵa Ońtústik Qazaqstan oblysynan 42 delegat keldi.
«Qazaqstan kúnderiniń» sheńberinde Ankara qalasynda «Jambyl» atyndaǵy kósheniń saltanatty ashylý rásimi, «Bolashaqqa baǵdar: rýhani jańǵyrý» atty halyqaralyq ǵylymi-praktikalyq konferentsiiasy jáne Halyqaralyq 8-shi Ramazan festivaliniń aiasynda «Qazaqstan keshi» atty kontsert ótti.
Túrkiiadaǵy Qazaqstan keshinde dástúrli ánder men qazaq-túrik ánderinen popýrriler oryndalsa, «Qazyna» bi ansambli elimiz mədenietin bi ónerimen pash etti. «Tumar» folklorlyq ansambliniń sazdy óneri de qos eldiń mereke dýmanyn asqaqtatty. Arnaiy attanǵan óner delegattary Túrkiia memleketiniń Ankara, Adana, Mersin, Ystanbul qalalarynda kontserttik baǵdarlama usynady dep kútilýde.
Qazaqstan kúnderine Ankara qalasy Kechióren mýnitsipalitetiniń meri Mustafa Ak, Ońtústik Qazaqstan oblysy Túrkistan qalasynyń ákimi Álipbek Óserbaev, Almaty oblysy Jambyl aýdanynyń ákimi Jandarbek Dalabaev, akademikter Tólegen Qojamqulov, Ýalihan Qalijan jáne t.b. delegattar qatysty.
OQO ákiminiń baspasóz qyzmeti
