Túrkiia men Iran Kúrdistanda ótken reformaǵa qarsy
"Túrkiia, Iran jáne Irakta aimaqtaǵy ózderiniń strategiialyq maqsattaryn qorǵaýdyń mańyzdy jáne qajetti sharalaryn jasaýdan basqa tańdaýy joq" dep málimdedi Hassan Roýhani 4 qazanda Tegeranda Rejep Erdoǵanmen ótkizgen baspasóz máslihatynda. Biraq ol naqty qandai sharalar qabyldanatynyn aitpady.
Iraktyń Kúrdistan avtonomiiasynda 25 qyrkúiekte táýelsizdik alý jóninde referendým ótken. Avtonomiia biligi daýys berýge qatysqandardyń 92 paiyzdan astamy "táýelsizdikti qoldaǵany" týraly habarlaǵan.
Baǵdadtaǵy ortalyq bilik, AQSh, Batys elderi men BUU referendýmdy qoldaǵan joq. Kúrd diasporasy turatyn Túrkiia men Iran da daýys berýge ashyq qarsy boldy. Biraq kúrd jetekshileri referendýmdy derbes memleket qurý kelissózin bastaýǵa májbúrleý úshin paidalanatyndaryn málimdedi.
Erdoǵan referendýmdy "zańsyz" dep atap, "osy kezden bastap batyl sharalar jasaitynyn" aitty.
Baǵdad Kúrdistan basshylyǵyna sanktsiia salatynyn, halyqaralyq deńgeide oqshaýlaitynyn jáne qajet bolsa ásker kirgizetinin eskertip, referendým nátijesin joiýdy talap etti. Irak áskerileri taiaýda Túrkiia jáne Iran qarýly kúshterimen birigip áskeri jattyǵý ótkizdi.
