Túrkiia Eksportshylar keńesiniń (TİM) málimetinshe, biylǵy jyldyń naýryz aiynda ishki eksport kólemi 2022 jyldyń sáikes aiymen salystyrǵanda 4,4 paiyzǵa artyp, 23,6 milliard dollarǵa jetken.
2023 jyldyń qańtar-naýryz ailarynda jalpy túrik eksportynyń kólemi ótken jyldyń sáikes kezeńimen salystyrǵanda 2,5 paiyzǵa artyp, 61,6 milliard dollardy quraǵan. Al jyldyq eksport kólemi 255,7 milliard dollarǵa jetti.
2022 jyldyń naýryz aiynda túrik toqyma sektorynyń eksporty 951 million dollardy qurady, al aǵymdaǵy jyldyń osy kezeńinde ol 5 paiyzǵa azaiyp, 903 million dollarǵa deiin tómendepti.
Naýryz aiynda Italiia 76 million dollar jumsap, túrik toqyma sektorynyń jetekshi importshysy atansa, odan keiingi orynda 62 million dollar jumsaǵan Belarýs memleketi tur. Al úshinshi Túrkiiadan 41 million dollarǵa toqyma salasynyń ónimin eksporttaǵan AQSh tur.
Al aǵymdaǵy jyldyń qańtar-naýryz ailarynda Italiiaǵa sektordyń satylymy – $213 mln, Belarýske – $170 mln jáne AQSh-qa – $108 mln qurady.
Jalpy alǵanda Túrkiianyń toqym ónerkásibiniń ónimin tutynýda EýroOdaq top bastap tur. Naýryz aiynda EýroOdaq elderine eksporttalǵan toqyma ónerkásibi taýarlarynyń aýqymy 348 mln dollar bolsa, TMD elderi – 167 mln dollar jumsasa, Afrika elderi kiim-keshek úshin 106 mln dollar shyǵyndaǵany málim boldy.
Biylǵy jyldyń alǵashqy 3 aiynda EýroOdaq elderine 940 million dollar, TMD 460 million dollar jáne Afrika elderine 286 million dollarlyq taýar eksporttaldy.
