تٷركييا ەكسپورتشىلار كەڭەسٸنٸڭ (TİM) مەلٸمەتٸنشە, بيىلعى جىلدىڭ ناۋرىز ايىندا ٸشكٸ ەكسپورت كٶلەمٸ 2022 جىلدىڭ سەيكەس ايىمەن سالىستىرعاندا 4,4 پايىزعا ارتىپ, 23,6 ميلليارد دوللارعا جەتكەن.
2023 جىلدىڭ قاڭتار-ناۋرىز ايلارىندا جالپى تٷرٸك ەكسپورتىنىڭ كٶلەمٸ ٶتكەن جىلدىڭ سەيكەس كەزەڭٸمەن سالىستىرعاندا 2,5 پايىزعا ارتىپ, 61,6 ميلليارد دوللاردى قۇراعان. ال جىلدىق ەكسپورت كٶلەمٸ 255,7 ميلليارد دوللارعا جەتتٸ.
2022 جىلدىڭ ناۋرىز ايىندا تٷرٸك توقىما سەكتورىنىڭ ەكسپورتى 951 ميلليون دوللاردى قۇرادى, ال اعىمداعى جىلدىڭ وسى كەزەڭٸندە ول 5 پايىزعا ازايىپ, 903 ميلليون دوللارعا دەيٸن تٶمەندەپتٸ.
ناۋرىز ايىندا يتالييا 76 ميلليون دوللار جۇمساپ, تٷرٸك توقىما سەكتورىنىڭ جەتەكشٸ يمپورتشىسى اتانسا, ودان كەيٸنگٸ ورىندا 62 ميلليون دوللار جۇمساعان بەلارۋس مەملەكەتٸ تۇر. ال ٷشٸنشٸ تٷركييادان 41 ميلليون دوللارعا توقىما سالاسىنىڭ ٶنٸمٸن ەكسپورتتاعان اقش تۇر.
ال اعىمداعى جىلدىڭ قاڭتار-ناۋرىز ايلارىندا يتاليياعا سەكتوردىڭ ساتىلىمى – $213 ملن, بەلارۋسكە – $170 ملن جەنە اقش-قا – $108 ملن قۇرادى.
جالپى العاندا تٷركييانىڭ توقىم ٶنەركەسٸبٸنٸڭ ٶنٸمٸن تۇتىنۋدا ەۋرووداق توپ باستاپ تۇر. ناۋرىز ايىندا ەۋرووداق ەلدەرٸنە ەكسپورتتالعان توقىما ٶنەركەسٸبٸ تاۋارلارىنىڭ اۋقىمى 348 ملن دوللار بولسا, تمد ەلدەرٸ – 167 ملن دوللار جۇمساسا, افريكا ەلدەرٸ كيٸم-كەشەك ٷشٸن 106 ملن دوللار شىعىنداعانى مەلٸم بولدى.
بيىلعى جىلدىڭ العاشقى 3 ايىندا ەۋرووداق ەلدەرٸنە 940 ميلليون دوللار, تمد 460 ميلليون دوللار جەنە افريكا ەلدەرٸنە 286 ميلليون دوللارلىق تاۋار ەكسپورتتالدى.
