Almatydaǵy Olimpiadalyq daiarlaý ortalyǵynyń sporttyq bazasynda júzýden jastar arasynda Qazaqstan chempionaty ótti. Elshilik dodaǵa 2006 jyly týǵan jáne odan kishi jasóspirimder quramasynyń eń myqty júzýshileri qatysty. Sý aidynyndaǵy básekege 25 komanda quramynda 284 sportshy túrli baǵdarlama boiynsha saiysqa tústi,dep habarlaidy Dalanews.kz Túrkistan oblysy ákiminiń baspasóz qyzmetine silteme jasap.
Jarys qorytyndysynda Túrkistan oblysynyń sportshylary tabysty óner kórsetti. Óńir mereiin asqaqtatqan sportshylardyń deni Sý sport túrlerinen oblystyq olimpiada rezerviniń mamandandyrylǵan balalar-jasóspirimder sport mektebiniń shákirtteri. Olardyń enshisinde 3 altyn, 1 kúmis jáne 1 qola medal bar. Júlde salǵan sportshylar qatarynda Dariia Toktobaeva 200, 400 metr qashyqtyqqa keshendi júzýden jáne 200 metrde shalqalai júzýde qarsylastaryn qapy qaldyryp, altynnan alqa taqsa, 400 metr erkin júzýde ekinshi oryn aldy.
El chempionatynda júlde salǵan taǵy bir jerlesimiz – Shyńǵyshan Balabek. Qaratóbe aýylynyń týmasy 1500 metrge erkin júzýde qolaǵa qanaǵat etip, Qazaqstan Respýblikasynyń sport sheberine úmitker atandy.
Endi Túrkistan oblysynyń quramasy aǵa jattyqtyrýshy J. Shaldarbekov pen Qazaqstannyń eńbek sińirgen jattyqtyrýshysy A.Smoleevtiń jetekshiligimen álem chempionatyna jáne Qazaqstannyń qysqy chempionatyna daiyndyqty bastaidy.
