Túrkistan oblysynan Abai oblysyna 540 tonnadan astam aýyl sharýashylyǵy ónimderi tielgen júk kólikteri jolǵa shyqty,- dep habarlaidy Dalanews.kz
Óńir diqandary kókónister, baqsha ónimderi, jemister, balyq pen jergilikti qaita óńdeý ónimderin jóneltti (194 tonna kartop, 81 tonna baqsha ónimderi, 71 tonna jemis-jidek, 167 tonna sút ónimderi — qymyz, qaimaq, sary mai, qymyz, airan, irimshik, sondai-aq bal, shyryn, sýsyn, shujyq ónimderi, jumyrtqa, balyq jáne t. b.).
Túrkistan óńiriniń aýyl sharýashylyǵy taýar óndirýshileri 2–3 tamyz kúnderi Semei qalasynda ótetin aýyl sharýashylyǵy jármeńkesine qatysady. Onda ónimderin jergilikti turǵyndar men qonaqtarǵa naryqtaǵydan tómen baǵamen usynady. Abai Qunanbaiulynyń 180 jyldyǵyna arnalǵan jármeńke eki oblys arasyndaǵy ózara yntymaqtastyq týraly kelisim aiasynda ótpek.
Ónim artylǵan kerýendi oblystyq aýyl sharýashylyǵy basqarmasy basshysynyń orynbasary Ermuhammed Quralbekov pen óńirdiń 17 aýdan, qalasynan kelgen jaýapty ókilder shyǵaryp saldy.
"Túrkistan óńirinen Abai oblysyna jóneltilgen aýyl sharýashylyǵy ónimderi óńiraralyq yntymaqtastyqty arttyryp, baǵany turaqtandyrýǵa, sondai-aq tutynýshylardy sapaly ári qoljetimdi otandyq ónimmen qamtamasyz etýge yqpal etedi. Bul bastama arqyly jergilikti diqandar men sharýalardyń eńbegi qoldaý taýyp, halyqqa tiimdi saýda alańy usynylady. Jármeńkege Túrkistan óńiriniń aýyl sharýashylyǵy taýar óndirýshileri atsalysýda", — dedi E.Quralbekov.
Aýqymdy is-shara aiasynda «Túrkistan oblysynyń mádeni kúnderi» atty eki kúndik kontserttik baǵdarlama josparlanyp otyr. Óńirimizdiń taýar óndirýshileri men óner ieleri Abai oblysynyń turǵyndary men qonaqtaryn «Arena» mádeni-sport kesheninde asyǵa kútedi.
Túrkistan oblysy — elimizdiń agroónerkásiptik keshen salasyndaǵy jetekshi aimaq. Respýblika boiynsha jalpy aýyl sharýashylyǵy óniminiń 14,2%-y osy oblysqa tiesili. Biylǵy jyldyń alǵashqy jartyjyldyǵynda óńirde 253,9 mlrd teńgeniń ónimi óndirilip, naqty kólem indeksi 104,7%-dy qurady. Negizgi kapitalǵa 82,3 mlrd teńge investitsiia tartylǵan. Aýyl sharýashylyǵy daqyldarynyń egis kólemi byltyrǵy jylmen salystyrǵanda 17 myń gektarǵa artyp, 890 myń gektarǵa jetti.
