تٷركٸستان وبلىسىنان اباي وبلىسىنا 540 توننادان استام اۋىل شارۋاشىلىعى ٶنٸمدەرٸ تيەلگەن جٷك كٶلٸكتەرٸ جولعا شىقتى,- دەپ حابارلايدى Dalanews.kz
ٶڭٸر ديقاندارى كٶكٶنٸستەر, باقشا ٶنٸمدەرٸ, جەمٸستەر, بالىق پەن جەرگٸلٸكتٸ قايتا ٶڭدەۋ ٶنٸمدەرٸن جٶنەلتتٸ (194 توننا كارتوپ, 81 توننا باقشا ٶنٸمدەرٸ, 71 توننا جەمٸس-جيدەك, 167 توننا سٷت ٶنٸمدەرٸ — قىمىز, قايماق, سارى ماي, قىمىز, ايران, ٸرٸمشٸك, سونداي-اق بال, شىرىن, سۋسىن, شۇجىق ٶنٸمدەرٸ, جۇمىرتقا, بالىق جەنە ت. ب.).
تٷركٸستان ٶڭٸرٸنٸڭ اۋىل شارۋاشىلىعى تاۋار ٶندٸرۋشٸلەرٸ 2–3 تامىز كٷندەرٸ سەمەي قالاسىندا ٶتەتٸن اۋىل شارۋاشىلىعى جەرمەڭكەسٸنە قاتىسادى. وندا ٶنٸمدەرٸن جەرگٸلٸكتٸ تۇرعىندار مەن قوناقتارعا نارىقتاعىدان تٶمەن باعامەن ۇسىنادى. اباي قۇنانبايۇلىنىڭ 180 جىلدىعىنا ارنالعان جەرمەڭكە ەكٸ وبلىس اراسىنداعى ٶزارا ىنتىماقتاستىق تۋرالى كەلٸسٸم اياسىندا ٶتپەك.
ٶنٸم ارتىلعان كەرۋەندٸ وبلىستىق اۋىل شارۋاشىلىعى باسقارماسى باسشىسىنىڭ ورىنباسارى ەرمۇحاممەد قۇرالبەكوۆ پەن ٶڭٸردٸڭ 17 اۋدان, قالاسىنان كەلگەن جاۋاپتى ٶكٸلدەر شىعارىپ سالدى.
"تٷركٸستان ٶڭٸرٸنەن اباي وبلىسىنا جٶنەلتٸلگەن اۋىل شارۋاشىلىعى ٶنٸمدەرٸ ٶڭٸرارالىق ىنتىماقتاستىقتى ارتتىرىپ, باعانى تۇراقتاندىرۋعا, سونداي-اق تۇتىنۋشىلاردى ساپالى ەرٸ قولجەتٸمدٸ وتاندىق ٶنٸممەن قامتاماسىز ەتۋگە ىقپال ەتەدٸ. بۇل باستاما ارقىلى جەرگٸلٸكتٸ ديقاندار مەن شارۋالاردىڭ ەڭبەگٸ قولداۋ تاۋىپ, حالىققا تيٸمدٸ ساۋدا الاڭى ۇسىنىلادى. جەرمەڭكەگە تٷركٸستان ٶڭٸرٸنٸڭ اۋىل شارۋاشىلىعى تاۋار ٶندٸرۋشٸلەرٸ اتسالىسۋدا", — دەدٸ ە.قۇرالبەكوۆ.
اۋقىمدى ٸس-شارا اياسىندا «تٷركٸستان وبلىسىنىڭ مەدەني كٷندەرٸ» اتتى ەكٸ كٷندٸك كونتسەرتتٸك باعدارلاما جوسپارلانىپ وتىر. ٶڭٸرٸمٸزدٸڭ تاۋار ٶندٸرۋشٸلەرٸ مەن ٶنەر يەلەرٸ اباي وبلىسىنىڭ تۇرعىندارى مەن قوناقتارىن «ارەنا» مەدەني-سپورت كەشەنٸندە اسىعا كٷتەدٸ.
تٷركٸستان وبلىسى — ەلٸمٸزدٸڭ اگروٶنەركەسٸپتٸك كەشەن سالاسىنداعى جەتەكشٸ ايماق. رەسپۋبليكا بويىنشا جالپى اۋىل شارۋاشىلىعى ٶنٸمٸنٸڭ 14,2%-ى وسى وبلىسقا تيەسٸلٸ. بيىلعى جىلدىڭ العاشقى جارتىجىلدىعىندا ٶڭٸردە 253,9 ملرد تەڭگەنٸڭ ٶنٸمٸ ٶندٸرٸلٸپ, ناقتى كٶلەم يندەكسٸ 104,7%-دى قۇرادى. نەگٸزگٸ كاپيتالعا 82,3 ملرد تەڭگە ينۆەستيتسييا تارتىلعان. اۋىل شارۋاشىلىعى داقىلدارىنىڭ ەگٸس كٶلەمٸ بىلتىرعى جىلمەن سالىستىرعاندا 17 مىڭ گەكتارعا ارتىپ, 890 مىڭ گەكتارعا جەتتٸ.
