Al Túrkistan oblysynyń ákimi Ómirzaq Shókeev oblys ortalyǵyndaǵy №133-shi sailaý ýchaskesine baryp, óz tańdaýyn jasady. Sondai-aq BAQ ókilderine qysqasha suhbat berip, elimizdegi saiasi protsestiń óńirimizdegi ótý barysyna qatysty oiyn bildirdi.
– Oblysymyzdaǵy 889 sailaý ýchaskesiniń barlyǵy tiisinshe daiyndalyp, mańyzdy naýqandy joǵary deńgeide ótkizip jatyr. Halyq jan-jaqty aqparattandyrylyp, memleketimiz úshin jaýapty sátte óz tańdaýlaryn jasaýda. Óńirimizge TMD-da, EQYU-dan jáne ózge halyqaralyq uiymdardan baqylaýshylar arnaiy kelip, sailaýdyń barysyna baqylaý júrgizýde. Elimizdiń keleshegin aiqyndaityn erekshe sátte barshańyzdy belsendi bolýǵa shaqyramyn, – dedi Ó.Shókeev.
Aita keteiik oblystaǵy sailaýshylardyń sany 1 181 946 myń adamdy quraidy. Óńirdegi saiasi protsesti sheteldik baqylaýshylar baqylaýda. Sondai-aq elimizdegi qoǵamdyq baqylaýshylar da tiisinshe qatysýda.
Túrkistan oblysy ákiminiń baspasóz qyzmeti
