ال تۇركىستان وبلىسىنىڭ اكىمى ءومىرزاق شوكەيەۆ وبلىس ورتالىعىنداعى №133ء-شى سايلاۋ ۋچاسكەسىنە بارىپ، ءوز تاڭداۋىن جاسادى. سونداي-اق ب ا ق وكىلدەرىنە قىسقاشا سۇحبات بەرىپ، ەلىمىزدەگى ساياسي پروسەستىڭ وڭىرىمىزدەگى ءوتۋ بارىسىنا قاتىستى ويىن ءبىلدىردى.
– وبلىسىمىزداعى 889 سايلاۋ ۋچاسكەسىنىڭ بارلىعى تيىسىنشە دايىندالىپ، ماڭىزدى ناۋقاندى جوعارى دەڭگەيدە وتكىزىپ جاتىر. حالىق جان-جاقتى اقپاراتتاندىرىلىپ، مەملەكەتىمىز ءۇشىن جاۋاپتى ساتتە ءوز تاڭداۋلارىن جاساۋدا. وڭىرىمىزگە تمد-دا، ەقىۇ-دان جانە وزگە حالىقارالىق ۇيىمداردان باقىلاۋشىلار ارنايى كەلىپ، سايلاۋدىڭ بارىسىنا باقىلاۋ جۇرگىزۋدە. ەلىمىزدىڭ كەلەشەگىن ايقىندايتىن ەرەكشە ساتتە بارشاڭىزدى بەلسەندى بولۋعا شاقىرامىن، – دەدى ءو.شوكەيەۆ.
ايتا كەتەيىك وبلىستاعى سايلاۋشىلاردىڭ سانى 1 181 946 مىڭ ادامدى قۇرايدى. وڭىردەگى ساياسي پروسەستى شەتەلدىك باقىلاۋشىلار باقىلاۋدا. سونداي-اق ەلىمىزدەگى قوعامدىق باقىلاۋشىلار دا تيىسىنشە قاتىسۋدا.
تۇركىستان وبلىسى اكىمىنىڭ باسپا ءسوز قىزمەتى
