Túrkistandyqtar: «Joldaý – qoǵam bolyp qoldaý, jurt bolyp jumylý kerek»
Qazaqstan halqy Assambleiasynyń biryńǵai kúni aiasynda ótken májiliske oblys basshylyǵy, oblystyq assambleia hatshylyǵynyń jáne «Qoǵamdyq kelisim» KMM-nyń qyzmetkerleri, etnomádeni birlestikterdiń tóraǵalary, oblystyq assambleia janyndaǵy qurylymdardyń jetekshileri men músheleri, joǵary oqý oryndaryndaǵy «Qazaqstan halqy Assambleiasy» kafedrasynyń oqytýshylary men jastar qatysty.
Jiynda assambleia músheleri Joldaýdaǵy halyqtyń ál-aýqatyn arttyrý, turmys sapasyn jaqsartý, kásipkerlik úshin qolaily orta qalyptastyrý, bilim men densaýlyq saqtaý salalaryn ilgeriletý, quqyq qorǵaý júiesinde sapalyq reforma júrgizý, otandyq ónerkásipti damytý, aýyl sharýashylyǵyn órkendetý syndy mańyzdy baǵyttar aiasyndaǵy maqsat-mindetterdi júzege asyrý joldaryn sóz etti.
Jiynda Túrkistan oblysy ákiminiń orynbasary Ulasbek Sádibekov baǵdarlamalyq qujattyń mańyzyna toqtalyp, Elbasy belgilegen maqsat-mindetterdi iske asyrýda assambleia músheleriniń belsendilik tanytatynyna senim bildirdi.
– Joldaýda aitylǵandai, «Árbir qazaqstandyq júrgizilip jatqan reformalardyń mánin jáne olardyń Otanymyzdy órkendetý jolyndaǵy mańyzyn jete túsinýi qajet». Bul baǵyttaǵy jumystarǵa óńirdegi assambleia músheleri jumyldyrylǵany durys. Turmysymyzdyń túzelip, ómirimizdiń óristi bolýy jolynda memlekettimiz de, Elbasymyz da aianyp qalyp jatqan joq. Jasalyp jatqan baǵdarlamalar, strategiialyq joba-jospardyń barlyǵy elimizdiń eńseli, halqymyzdyń qýatty bolýyn kózdeidi. Biraq bul jumystardyń barlyǵy qoǵam bolyp qoldaýdy, jurt bolyp jumylýdy talap etedi, – dedi U.Sádibekov.
Sonymen qatar, Túrkistan oblystyq QHA janyndaǵy ǵylymi-sarapshylyq toptyń múshesi, M.Áýezov atyndaǵy Ońtústik Qazaqstan memlekettik ýniversitetiniń professory Nigmatjan Almetovtyń, Shymkent qalalyq korei etnomádeni birlestiginiń tóraiymy Roza Paktyń, Túrkistan oblystyq QHA janyndaǵy «Jańǵyrý joly» respýblikalyq jastar qozǵalysy óńirlik shtabynyń múshesi Abylai Musabekovtyń habarlamasy tyńdalady.
Jiyn sońynda qatysýshylar erkin pikir almasyp, Joldaý aiasyndaǵy maqsat-mindetterdi tabysty júzege asyrýdyń joldaryn naqtylady.
Túrkistan oblysy ákiminiń baspasóz qyzmeti
