تٷركٸستاندىقتار: «جولداۋ – قوعام بولىپ قولداۋ, جۇرت بولىپ جۇمىلۋ كەرەك»
قازاقستان حالقى اسسامبلەياسىنىڭ بٸرىڭعاي كٷنٸ اياسىندا ٶتكەن مەجٸلٸسكە وبلىس باسشىلىعى, وبلىستىق اسسامبلەيا حاتشىلىعىنىڭ جەنە «قوعامدىق كەلٸسٸم» كمم-نىڭ قىزمەتكەرلەرٸ, ەتنومەدەني بٸرلەستٸكتەردٸڭ تٶراعالارى, وبلىستىق اسسامبلەيا جانىنداعى قۇرىلىمداردىڭ جەتەكشٸلەرٸ مەن مٷشەلەرٸ, جوعارى وقۋ ورىندارىنداعى «قازاقستان حالقى اسسامبلەياسى» كافەدراسىنىڭ وقىتۋشىلارى مەن جاستار قاتىستى.
جيىندا اسسامبلەيا مٷشەلەرٸ جولداۋداعى حالىقتىڭ ەل-اۋقاتىن ارتتىرۋ, تۇرمىس ساپاسىن جاقسارتۋ, كەسٸپكەرلٸك ٷشٸن قولايلى ورتا قالىپتاستىرۋ, بٸلٸم مەن دەنساۋلىق ساقتاۋ سالالارىن ٸلگەرٸلەتۋ, قۇقىق قورعاۋ جٷيەسٸندە ساپالىق رەفورما جٷرگٸزۋ, وتاندىق ٶنەركەسٸپتٸ دامىتۋ, اۋىل شارۋاشىلىعىن ٶركەندەتۋ سىندى ماڭىزدى باعىتتار اياسىنداعى ماقسات-مٸندەتتەردٸ جٷزەگە اسىرۋ جولدارىن سٶز ەتتٸ.
جيىندا تٷركٸستان وبلىسى ەكٸمٸنٸڭ ورىنباسارى ۇلاسبەك سەدٸبەكوۆ باعدارلامالىق قۇجاتتىڭ ماڭىزىنا توقتالىپ, ەلباسى بەلگٸلەگەن ماقسات-مٸندەتتەردٸ ٸسكە اسىرۋدا اسسامبلەيا مٷشەلەرٸنٸڭ بەلسەندٸلٸك تانىتاتىنىنا سەنٸم بٸلدٸردٸ.
– جولداۋدا ايتىلعانداي, «ەربٸر قازاقستاندىق جٷرگٸزٸلٸپ جاتقان رەفورمالاردىڭ مەنٸن جەنە ولاردىڭ وتانىمىزدى ٶركەندەتۋ جولىنداعى ماڭىزىن جەتە تٷسٸنۋٸ قاجەت». بۇل باعىتتاعى جۇمىستارعا ٶڭٸردەگٸ اسسامبلەيا مٷشەلەرٸ جۇمىلدىرىلعانى دۇرىس. تۇرمىسىمىزدىڭ تٷزەلٸپ, ٶمٸرٸمٸزدٸڭ ٶرٸستٸ بولۋى جولىندا مەملەكەتتٸمٸز دە, ەلباسىمىز دا ايانىپ قالىپ جاتقان جوق. جاسالىپ جاتقان باعدارلامالار, ستراتەگييالىق جوبا-جوسپاردىڭ بارلىعى ەلٸمٸزدٸڭ ەڭسەلٸ, حالقىمىزدىڭ قۋاتتى بولۋىن كٶزدەيدٸ. بٸراق بۇل جۇمىستاردىڭ بارلىعى قوعام بولىپ قولداۋدى, جۇرت بولىپ جۇمىلۋدى تالاپ ەتەدٸ, – دەدٸ ۇ.سەدٸبەكوۆ.
سونىمەن قاتار, تٷركٸستان وبلىستىق قحا جانىنداعى عىلىمي-ساراپشىلىق توپتىڭ مٷشەسٸ, م.ەۋەزوۆ اتىنداعى وڭتٷستٸك قازاقستان مەملەكەتتٸك ۋنيۆەرسيتەتٸنٸڭ پروفەسسورى نيگماتجان المەتوۆتىڭ, شىمكەنت قالالىق كورەي ەتنومەدەني بٸرلەستٸگٸنٸڭ تٶرايىمى روزا پاكتىڭ, تٷركٸستان وبلىستىق قحا جانىنداعى «جاڭعىرۋ جولى» رەسپۋبليكالىق جاستار قوزعالىسى ٶڭٸرلٸك شتابىنىڭ مٷشەسٸ ابىلاي مۇسابەكوۆتىڭ حابارلاماسى تىڭدالادى.
جيىن سوڭىندا قاتىسۋشىلار ەركٸن پٸكٸر الماسىپ, جولداۋ اياسىنداعى ماقسات-مٸندەتتەردٸ تابىستى جٷزەگە اسىرۋدىڭ جولدارىن ناقتىلادى.
تٷركٸستان وبلىسى ەكٸمٸنٸڭ باسپاسٶز قىزمەتٸ
