Bul rette oblystyń damý josparyna sáıkes, aldaǵy úsh jylda barlyǵy 84 eldi mekendi, ıaǵnı 209,7 myń adamdy ortalyqtandyrylǵan aýyzsýmen qamtý josparlanyp otyr. Osy arqyly Túrkistan men oǵan qarasty eldi-mekenderdi aýyz sýmen qamtý máselesi birjolata sheshiletin bolady dep kútilýde.
Onyń ishinde bıylǵy jyly aýyzsý salasyna 9,6 mlrd teńge bólinip, 76 nysannyń qurylysy iske asyrylǵanyn aıta ketelik. Atalǵan nysandardyń 20-sy bıyl paıdalanýǵa berildi, al ózge 56 nysannyń qurylysy keler jylǵa qalady. Nátıjesinde, osy jyly aımaqtaǵy 13 eldi meken, ıaǵnı 19,6 myń turǵyn taza aýyzsýmen qamtylsa, 2 eldi mekendegi tozyǵy jetken sý qubyrlary qaıta jańartylady.
Sonymen qatar 35 eldi mekendi aýyzsýmen qamtamasyz etý úshin bıyl jobalaý-smetalyq qujattary ázirlenýde. Nátıjesinde, 2020 jylǵa qaraı qala turǵyndarynyń 97 paıyzy, aýyldyq eldi mekenderdiń 83 paıyzy ortalyqtandyrylǵan aýyzsýmen qamtylatyn bolady.
Aıta keteıik, búgingi tańda oblystaǵy qalalardyń – 93,4 paıyzy, al aýyldyq eldi mekenderdiń 73,6 paıyzy ortalyqtandyrylǵan aýyzsýmen qamtamasyz etilgen.
Túrkistan halqyn taza aýyz sýmen qamtamasyz etý qajettigin Elbasy da qadap tapsyrǵan bolatyn.
