بۇل رەتتە وبلىستىڭ دامۋ جوسپارىنا سايكەس، الداعى ءۇش جىلدا بارلىعى 84 ەلدى مەكەندى، ياعني 209،7 مىڭ ادامدى ورتالىقتاندىرىلعان اۋىزسۋمەن قامتۋ جوسپارلانىپ وتىر. وسى ارقىلى تۇركىستان مەن وعان قاراستى ەلدى-مەكەندەردى اۋىز سۋمەن قامتۋ ماسەلەسى ءبىرجولاتا شەشىلەتىن بولادى دەپ كۇتىلۋدە.
ونىڭ ىشىندە بيىلعى جىلى اۋىزسۋ سالاسىنا 9،6 ملرد تەڭگە ءبولىنىپ، 76 نىساننىڭ قۇرىلىسى ىسكە اسىرىلعانىن ايتا كەتەلىك. اتالعان نىسانداردىڭ 20-سى بيىل پايدالانۋعا بەرىلدى، ال وزگە 56 نىساننىڭ قۇرىلىسى كەلەر جىلعا قالادى. ناتيجەسىندە، وسى جىلى ايماقتاعى 13 ەلدى مەكەن، ياعني 19،6 مىڭ تۇرعىن تازا اۋىزسۋمەن قامتىلسا، 2 ەلدى مەكەندەگى توزىعى جەتكەن سۋ قۇبىرلارى قايتا جاڭارتىلادى.
سونىمەن قاتار 35 ەلدى مەكەندى اۋىزسۋمەن قامتاماسىز ەتۋ ءۇشىن بيىل جوبالاۋ-سمەتالىق قۇجاتتارى ازىرلەنۋدە. ناتيجەسىندە، 2020 جىلعا قاراي قالا تۇرعىندارىنىڭ 97 پايىزى، اۋىلدىق ەلدى مەكەندەردىڭ 83 پايىزى ورتالىقتاندىرىلعان اۋىزسۋمەن قامتىلاتىن بولادى.
ايتا كەتەيىك، بۇگىنگى تاڭدا وبلىستاعى قالالاردىڭ – 93،4 پايىزى، ال اۋىلدىق ەلدى مەكەندەردىڭ 73،6 پايىزى ورتالىقتاندىرىلعان اۋىزسۋمەن قامتاماسىز ەتىلگەن.
تۇركىستان حالقىن تازا اۋىز سۋمەن قامتاماسىز ەتۋ قاجەتتىگىن ەلباسى دا قاداپ تاپسىرعان بولاتىن.
