Memleket basshysy Qasym-Jomart Toqaevtyń Tájikstan Respýblikasyna memlekettik sapary barysynda Qazaqstannyń Tájikstandaǵy mádeniet kúnderi ótti, dep habarlaidy Dalanews.kz Túrkistan oblysy ákiminiń baspasóz qyzmetine silteme jasap.
– Bul sapar ózara qurmetke, senimge jáne jan-jaqty yntymaqtastyqqa negizdelgen qazaq-tájik qatynastarynyń dáiekti túrde nyǵaiýyna tyń serpin beredi. Tájikstan – senimdi dosymyz ári ýaqyt tezinen ótken odaqtasymyz. Eki eldi ortaq tarih, mádeniet jáne rýhani qundylyqtar bailanystyrady. Biz barlyq deńgeide tyǵyz ári ózara senimge qurylǵan saiasi dialog ornattyq. Birlesken kúsh-jiger arqyly naǵyz dostyq pen tileýlestik rýhynda ortaq keleshektiń negizin qalap kelemiz, – dedi Qazaqstan Prezidenti tájik eline saparynda.
Qazaqstannyń Tájikstandaǵy mádeniet kúnderi aiasynda eki eldiń mádenietaralyq bailanystaryn keńeitýdi kózdep, túrkistandyq «Kongress Holl» kópsalaly kesheniniń «Jana Lep» ujymy Hýdjand qalasynda óner kórsetti.
Kamoli Hýdjandi atyndaǵy tájik mýzykalyq drama teatrynda ótken kontsertti Sagdie oblysynyń gýbernatory Zainýra Azime jáne «Kongress Holl» kópsalaly kesheniniń direktory Asqar Kenehan ashyp berip, eki el yntymaǵy úshin atalǵan is-sharanyń mańyzdylyǵyna toqtaldy.
Kontsert barysynda «Jana Lep» ujymynyń oryndaýynda halyq ánderi «Pai-Pai», «Balapan qaz», «Alqońyr», sondai-aq Tájik halyq áni «Sardor» kompozitsiiasy shyrqaldy. Sonymen qatar «Samgau» bi ansambliniń myń buralǵan bii men «Alqonyr» folklorlyq ansambliniń oryndaýyndaǵy kúmbirlegen kúi de tájik halqynynyń qyzyǵýshylyǵyn týdyrdy.
