مەملەكەت باسشىسى قاسىم-جومارت توقاەۆتىڭ تەجٸكستان رەسپۋبليكاسىنا مەملەكەتتٸك ساپارى بارىسىندا قازاقستاننىڭ تەجٸكستانداعى مەدەنيەت كٷندەرٸ ٶتتٸ, دەپ حابارلايدى Dalanews.kz تٷركٸستان وبلىسى ەكٸمٸنٸڭ باسپاسٶز قىزمەتٸنە سٸلتەمە جاساپ.
– بۇل ساپار ٶزارا قۇرمەتكە, سەنٸمگە جەنە جان-جاقتى ىنتىماقتاستىققا نەگٸزدەلگەن قازاق-تەجٸك قاتىناستارىنىڭ دەيەكتٸ تٷردە نىعايۋىنا تىڭ سەرپٸن بەرەدٸ. تەجٸكستان – سەنٸمدٸ دوسىمىز ەرٸ ۋاقىت تەزٸنەن ٶتكەن وداقتاسىمىز. ەكٸ ەلدٸ ورتاق تاريح, مەدەنيەت جەنە رۋحاني قۇندىلىقتار بايلانىستىرادى. بٸز بارلىق دەڭگەيدە تىعىز ەرٸ ٶزارا سەنٸمگە قۇرىلعان ساياسي ديالوگ ورناتتىق. بٸرلەسكەن كٷش-جٸگەر ارقىلى ناعىز دوستىق پەن تٸلەۋلەستٸك رۋحىندا ورتاق كەلەشەكتٸڭ نەگٸزٸن قالاپ كەلەمٸز, – دەدٸ قازاقستان پرەزيدەنتٸ تەجٸك ەلٸنە ساپارىندا.
قازاقستاننىڭ تەجٸكستانداعى مەدەنيەت كٷندەرٸ اياسىندا ەكٸ ەلدٸڭ مەدەنيەتارالىق بايلانىستارىن كەڭەيتۋدٸ كٶزدەپ, تٷركٸستاندىق «كونگرەسس حولل» كٶپسالالى كەشەنٸنٸڭ «Jana Lep» ۇجىمى حۋدجاند قالاسىندا ٶنەر كٶرسەتتٸ.
كامولي حۋدجاندي اتىنداعى تەجٸك مۋزىكالىق دراما تەاترىندا ٶتكەن كونتسەرتتٸ ساگديە وبلىسىنىڭ گۋبەرناتورى زاينۋرا ازيمە جەنە «كونگرەسس حولل» كٶپسالالى كەشەنٸنٸڭ ديرەكتورى اسقار كەنەحان اشىپ بەرٸپ, ەكٸ ەل ىنتىماعى ٷشٸن اتالعان ٸس-شارانىڭ ماڭىزدىلىعىنا توقتالدى.
كونتسەرت بارىسىندا «Jana Lep» ۇجىمىنىڭ ورىنداۋىندا حالىق ەندەرٸ «پاي-پاي», «بالاپان قاز», «القوڭىر», سونداي-اق تەجٸك حالىق ەنٸ «ساردور» كومپوزيتسيياسى شىرقالدى. سونىمەن قاتار «Samgau» بي انسامبلٸنٸڭ مىڭ بۇرالعان بيٸ مەن «Alqonyr» فولكلورلىق انسامبلٸنٸڭ ورىنداۋىنداعى كٷمبٸرلەگەن كٷي دە تەجٸك حالقىنىنىڭ قىزىعۋشىلىعىن تۋدىردى.
