Túrkistan qalasynda Ulttyq dombyra kúnine orai «Dombyra – dastan» atty merekelik is-shara ótti. Túrkistan oblystyq mádeniet basqarmasy basshysynyń orynbasary Erjan Isataev quttyqtaý sóz sóilep, dombyranyń ult rýhaniiatyndaǵy mańyzyna toqtaldy,- dep habarlaidy Dalanews.kz
– Ulttyq murany ulyqtaityn búgingi sharanyń rýhaniiatty damytýǵa qosar úlesi mol. Dombyra – ulttyq aspap qana emes, eldiń bolmysyn, jan-dúniesin aishyqtaityn uly mura. Osy qundylyǵymyzdy qasterlep, janyn serik etken barlyq qatysýshylarǵa alǵysymdy bildiremin, – dedi Erjan Ibadýllauly.
Kesh barysynda Súgir Áliulynyń «Yńǵai tók», Abai Jeldibaevtyń «Erke sylqym», Zeinep Alasianyń «Ertuǵryl», Qurmanǵazynyń «Aijanqyz», «Adai», «Balbyraýyn» siiaqty ulttyq kúileri oryndalyp, kórermenniń zor qoshemetine bólendi. «Tumar», «Alqońyr», «Túrkistan» ansamblderi men memlekettik shyǵarmashylyq tapsyrys aiasynda ashylǵan úiirmelerdiń shákirtteri óz oryndaýshylyq sheberligimen kózge tústi. Sondai-aq, «Farab», «Samǵaý» bi ansamblderiniń bileri sahnanyń kórkin asha tústi. «Jaisań dala», «Aqjeleń», «Tulǵalarǵa týyndy» syndy shyǵarmalar ulttyq muranyń ulaǵatyn sezdirdi.
Kesh sońynda barlyq ónerpazdar men dombyra úiirmeleriniń oqýshylary qalyń kórermenmen birge «Balbyraýyn» kúiin oryndady. Aita keteiik, Túrkistan oblysynda «Ulttyq dombyra kúni» merekesine orai birqatar shara ótti. Atap aitqanda, Túrkistan qalasynda «Turan dalasynyń kúileri» qalalyq kúiishiler baiqaýy, «Dostyq» úiinde «Úkili dombyra» festivali uiymdastyryldy. Sondai-aq, «Farab» kitaphanasynda dástúrli «Kúi qudireti» respýblikalyq kúishiler baiqaýy uiymdastyrylyp, respýblikanyń ár aimaǵynan kelgen 25 ónerpaz baq synady. Aýdan-qalalarda 100-ge tarta mádeni-kópshilik sharalar uiymdastyryldy.
