Shahtinsk qalasynda eki er adam birneshe metr tereńdiktegi qudyqqa qulap ketken, dep habarlaidy dalanews.kz.
Oqiǵa Parkovaia kóshesinde bolǵan. Aldyn ala málimet boiynsha dúken qyzmetkerleri septikti tazalaý kezinde qudyqqa qulap túsken.
66 jáne 69 jastaǵy er adamdar óz kúshterimen shyǵa almaǵan.
Dúken iesi tótenshe jaǵdailar qyzmetin shaqyrǵan. Qutqarýshylar arnaiy baspaldaq pen arqannyń kómegimen zardap shekkenderdi joǵaryǵa shyǵaryp, jedel járdem qyzmetkerlerine tapsyrdy.
Keiin zardap shekkender Shahtinsk qalasynyń ortalyq aýrýhanasyna jetkizildi.
