Búgin Túrkistan qalasynda Ulystyń uly kúnine arnalǵan «Tórlet, naýryz, tórime» respýblikalyq komandalyq aitys ótti. Oblys ákimi Darhan Satybaldy arnaiy qatysyp, kórermen qaýymdy merekemen quttyqtady.
– Qos mereke qarsańynda Túrkistan tórinde bastaý alǵan búgingi sharanyń óńir rýhaniiatyn damytýǵa yqpaly zor dep esepteimin. Memleket basshysynyń bastamasymen biylǵy jyly Naýryz meiramy jańa serpinde atap ótilýde. Keshe elimiz boiynsha «Kórisý kúni – Amal merekesi» atap ótilse, búgingi kún qaiyrymdylyqqa, izgilikke baǵyttalyp otyr. Tól ónerimiz – aitys jańasha formatta qarqyn aldy. Dástúrli án óneri men kúi, terme janrlarynyń jańǵyrýy – ulttyq ónerge jasalǵan oń betburys dep bilemin.
Aldaǵy ýaqytta da Túrki áleminiń rýhani baǵdaryna ainalǵan shaharda mádeniettiń órkendeýine baǵyttalǵan jańa jobalar jalǵasa beredi, – degen oblys ákimi qos óńirdiń ónerpazdary sáttilik tiledi. 
Alaman báigeni Qazaqstannyń eńbek sińirgen qairatkeri, Májilis depýtaty Amanjol Áltaev júrgizdi. Dúbirli dodada qos óńirdiń aqyndary aitystyń túre, súre, qaiym, qyz ben jigit aitysy janrlarynda synǵa tústi. Sondai-aq jyrshylar men termeshiler, dástúrli ánshiler men kúishiler is-sharanyń kórigin qyzdyrdy. 
Túrkistan oblysynan Bekarys Shoibekov, Shahmardan Bekarysuly, Nurmahan Jaqypbek, Aiaz Rústemov, Aian Niiazbek, Jandos Qulymbetov, Qajymuqan Abzalov, Maǵjan Áltenbaev, Dáýren Aqsaqalov, Rýslan Ahimbekovtar bolsa, Jambyl oblysynan Ahmetjan Ózbekov, Mansýr Erkebulanuly, Darhan Ábdimanat, Bekarys Kóshtaev , Ashat Qylyshbek, Didar Basyǵaraev, Qanat Myrzahan, Merei Ábýeva, Alina Aidaraly, Maralbek Babaqulov bar. 
Aitys qorytyndysymen respýblikalyq komandalyq aitystyń ekinshi kezeńine Túrkistan oblysynyń komandasy joldama alyp, jeńimpaz atandy. Qos komandaǵa birdei qurmet kórsetilip, árbir aqynǵa 500 myń teńgeden syiaqy berildi. Al jyrshy, termeshi, dástúrli ánshi, kúishilerge 250 myń teńgeden tabystaldy. Sondai-aq «AMANAT» partiiasynyń arnaiy syilyǵy berildi. 
Sondai-aq bul aitys qos oblystaǵy aitysker aqyndar men dástúrli ónerpazdardyń shyǵarmashylyq damýyna jaǵdai jasaýǵa, óńirler arasynda shyǵarmashylyq bailanysty arttyrýǵa, halyqtyń azamattyq ustanymyn, áleýmettik jaýapkershiligin, otansúigishtik sezimin, adamgershilik qasietterin, ulttyq sanasyn qalyptastyrýǵa jáne ulttyq óner ókilderiniń rýhani-mádeni áleýetin damytýǵa baǵyttalǵan.
