بٷگٸن تٷركٸستان قالاسىندا ۇلىستىڭ ۇلى كٷنٸنە ارنالعان «تٶرلەت, ناۋرىز, تٶرٸمە» رەسپۋبليكالىق كوماندالىق ايتىس ٶتتٸ. وبلىس ەكٸمٸ دارحان ساتىبالدى ارنايى قاتىسىپ, كٶرەرمەن قاۋىمدى مەرەكەمەن قۇتتىقتادى.
– قوس مەرەكە قارساڭىندا تٷركٸستان تٶرٸندە باستاۋ العان بٷگٸنگٸ شارانىڭ ٶڭٸر رۋحانيياتىن دامىتۋعا ىقپالى زور دەپ ەسەپتەيمٸن. مەملەكەت باسشىسىنىڭ باستاماسىمەن بيىلعى جىلى ناۋرىز مەيرامى جاڭا سەرپٸندە اتاپ ٶتٸلۋدە. كەشە ەلٸمٸز بويىنشا «كٶرٸسۋ كٷنٸ – امال مەرەكەسٸ» اتاپ ٶتٸلسە, بٷگٸنگٸ كٷن قايىرىمدىلىققا, ٸزگٸلٸككە باعىتتالىپ وتىر. تٶل ٶنەرٸمٸز – ايتىس جاڭاشا فورماتتا قارقىن الدى. دەستٷرلٸ ەن ٶنەرٸ مەن كٷي, تەرمە جانرلارىنىڭ جاڭعىرۋى – ۇلتتىق ٶنەرگە جاسالعان وڭ بەتبۇرىس دەپ بٸلەمٸن.
الداعى ۋاقىتتا دا تٷركٸ ەلەمٸنٸڭ رۋحاني باعدارىنا اينالعان شاھاردا مەدەنيەتتٸڭ ٶركەندەۋٸنە باعىتتالعان جاڭا جوبالار جالعاسا بەرەدٸ, – دەگەن وبلىس ەكٸمٸ قوس ٶڭٸردٸڭ ٶنەرپازدارى سەتتٸلٸك تٸلەدٸ. 
الامان بەيگەنٸ قازاقستاننىڭ ەڭبەك سٸڭٸرگەن قايراتكەرٸ, مەجٸلٸس دەپۋتاتى امانجول ەلتاەۆ جٷرگٸزدٸ. دٷبٸرلٸ دودادا قوس ٶڭٸردٸڭ اقىندارى ايتىستىڭ تٷرە, سٷرە, قايىم, قىز بەن جٸگٸت ايتىسى جانرلارىندا سىنعا تٷستٸ. سونداي-اق جىرشىلار مەن تەرمەشٸلەر, دەستٷرلٸ ەنشٸلەر مەن كٷيشٸلەر ٸس-شارانىڭ كٶرٸگٸن قىزدىردى. 
تٷركٸستان وبلىسىنان بەكارىس شويبەكوۆ, شاحماردان بەكارىسۇلى, نۇرماحان جاقىپبەك, اياز رٷستەموۆ, ايان نييازبەك, جاندوس قۇلىمبەتوۆ, قاجىمۇقان ابزالوۆ, ماعجان ەلتەنباەۆ, دەۋرەن اقساقالوۆ, رۋسلان احيمبەكوۆتار بولسا, جامبىل وبلىسىنان احمەتجان ٶزبەكوۆ, مانسۋر ەركەبۇلانۇلى, دارحان ەبدٸمانات, بەكارىس كٶشتاەۆ , اسحات قىلىشبەك, ديدار باسىعاراەۆ, قانات مىرزاحان, مەرەي ەبۋەۆا, الينا ايدارالى, مارالبەك باباقۇلوۆ بار. 
ايتىس قورىتىندىسىمەن رەسپۋبليكالىق كوماندالىق ايتىستىڭ ەكٸنشٸ كەزەڭٸنە تٷركٸستان وبلىسىنىڭ كومانداسى جولداما الىپ, جەڭٸمپاز اتاندى. قوس كومانداعا بٸردەي قۇرمەت كٶرسەتٸلٸپ, ەربٸر اقىنعا 500 مىڭ تەڭگەدەن سىياقى بەرٸلدٸ. ال جىرشى, تەرمەشٸ, دەستٷرلٸ ەنشٸ, كٷيشٸلەرگە 250 مىڭ تەڭگەدەن تابىستالدى. سونداي-اق «AMANAT» پارتيياسىنىڭ ارنايى سىيلىعى بەرٸلدٸ. 
سونداي-اق بۇل ايتىس قوس وبلىستاعى ايتىسكەر اقىندار مەن دەستٷرلٸ ٶنەرپازداردىڭ شىعارماشىلىق دامۋىنا جاعداي جاساۋعا, ٶڭٸرلەر اراسىندا شىعارماشىلىق بايلانىستى ارتتىرۋعا, حالىقتىڭ ازاماتتىق ۇستانىمىن, ەلەۋمەتتٸك جاۋاپكەرشٸلٸگٸن, وتانسٷيگٸشتٸك سەزٸمٸن, ادامگەرشٸلٸك قاسيەتتەرٸن, ۇلتتىق ساناسىن قالىپتاستىرۋعا جەنە ۇلتتىق ٶنەر ٶكٸلدەرٸنٸڭ رۋحاني-مەدەني ەلەۋەتٸن دامىتۋعا باعىتتالعان.
