Túrkistan qalasynyń "Esimhan" alańynda uiymdastyrylǵan sharada atalǵan departamenttiń órt sóndirý jáne avariialyq-qutqarý jumystary qyzmetine aimaq basshysy Janseiit Túimebaev túrli maqsattaǵy 20 kóliktiń kiltin tabystap, TJD mamandaryn elimizdiń basty meiramymen quttyqtady.
Saltanatty sharaǵa oblys ákiminiń orynbasarlary, oblystyq máslihattyń depýtattary, TJD basshylyǵy men jeke quramy qatysty.
Órt sóndirý jáne avariialyq-qutqarý jumystary qyzmetinde qazirgi tańda 139 birlik órt sóndirý tehnikasy bar. Onyń 96 birligi– negizgi órt sóndirý avtokólikteri, 8 birligi– arnaiy, 35 birligi – kómekshi avtokólikter. 139 birlik órt sóndirý tehnikasynyń 75-i 20 jyldan astam ýaqyttan beri paidalanylyp keledi. Al bekitilgen normalarǵa sáikes 78 – negizgi, 51 – arnaiy jáne 140 – kómekshi avtokólikter bolýy tiis.
Túrkistan oblysy ákiminiń baspasóz qyzmeti
