تۇركىستان قالاسىنىڭ "ەسىمحان" الاڭىندا ۇيىمداستىرىلعان شارادا اتالعان دەپارتامەنتتىڭ ءورت ءسوندىرۋ جانە اۆاريالىق-قۇتقارۋ جۇمىستارى قىزمەتىنە ايماق باسشىسى جانسەيىت تۇيمەبايەۆ ءتۇرلى ماقساتتاعى 20 كولىكتىڭ كىلتىن تابىستاپ، تجد ماماندارىن ەلىمىزدىڭ باستى مەيرامىمەن قۇتتىقتادى.
![](/uploads/images/20240127222114995.jpg)
سالتاناتتى شاراعا وبلىس اكىمىنىڭ ورىنباسارلارى، وبلىستىق ءماسليحاتتىڭ دەپۋتاتتارى، تجد باسشىلىعى مەن جەكە قۇرامى قاتىستى.
ءورت ءسوندىرۋ جانە اۆاريالىق-قۇتقارۋ جۇمىستارى قىزمەتىندە قازىرگى تاڭدا 139 بىرلىك ءورت ءسوندىرۋ تەحنيكاسى بار. ونىڭ 96 بىرلىگى– نەگىزگى ءورت ءسوندىرۋ اۆتوكولىكتەرى، 8 بىرلىگى– ارنايى، 35 بىرلىگى – كومەكشى اۆتوكولىكتەر. 139 بىرلىك ءورت ءسوندىرۋ تەحنيكاسىنىڭ 75ء-ى 20 جىلدان استام ۋاقىتتان بەرى پايدالانىلىپ كەلەدى. ال بەكىتىلگەن نورمالارعا سايكەس 78 – نەگىزگى، 51 – ارنايى جانە 140 – كومەكشى اۆتوكولىكتەر بولۋى ءتيىس.
![](/uploads/images/20240127222115406.jpg)
تۇركىستان وبلىسى اكىمىنىڭ باسپا ءسوز قىزمەتى