Respýblika kúnine orai oblys ortalyǵynda 100 túp aǵash otyrǵyzyldy. «Taza Qazaqstan» jobasy aiasynda uiymdastyrylǵan sharaǵa Túrkistan oblysynyń ákimi Darhan Satybaldy, ziialy qaýym ókilderi, depýtattar, Túrkistan qalalyq ózbek etno-mádeni birlestigi, memlekettik qyzmetshiler, kommýnaldyq sala ókilderi men qala turǵyndary qatysty. Olar ortalyq meshit aýlasyna, «Kerýen sarai» mańyndaǵy «Arena» aldy men týrizim ýniversitetiniń janyna sándik aǵashtar, bozarsha, qaraǵash, shaǵan, úieńki, syndy aǵash túrlerin ekti, dep habarlaidy Dalanews.kz Túrkistan oblysy ákiminiń baspasóz qyzmetine silteme jasap.
Igi bastamaǵa qoldaý bildirgen oblys ákimi Darhan Satybaldy kóppen birge aǵash kóshetterin egip, aǵash otyrǵyzý – ekologiialyq taza bolashaqqa jasalǵan mańyzdy qadam ekenin atap ótti. Árbir turǵyn tazalyqty óz aýlasynan bastap, qala aýmaǵyn jasyl jelekpen kómkerýge úles qosý kerektigin jetkizdi.
– Taiaýda Prezidentimiz Túrkistan óńirine jasaǵan saparynda Túrkistannyń taza ári kórikti qalaǵa ainalǵanyn atap ótti. Túrkistandy baqpen kómkerilgen shaharǵa ainaldyrý úshin jasyl jelek qoryn ulǵaitýǵa mindettimiz. Bizdiń ásem qalamyz burynǵydan da sulý ári jasyl jelekke bólenýi úshin qalalyqtardy osy bastamany qoldaýǵa shaqyramyn, – dedi oblys ákimi.
Aita keteiik, oblys ákiminiń tapsyrmasyna sáikes, Túrkistan oblysynyń eldi mekenderin kógaldandyrýdyń 2022-2024 jyldarǵa arnalǵan is-shara jospary bekitildi. Jospar aiasynda búgingi kúnge deiin 2 millionǵa jýyq kóshet egildi. Onyń ishinde, Túrkistandy kógaldandyrýda júieli jumystar atqarylýda.
Biylǵy jyldyń sońyna deiin oblys boiynsha 500 myńnan asa kóshet egiledi dep kútilýde. Qazirgi tańda osy baǵytta jumys júrip jatyr.
Túrkistanda Respýblika kúnine orai 100 túp aǵash otyrǵyzyldy
