رەسپۋبليكا كٷنٸنە وراي وبلىس ورتالىعىندا 100 تٷپ اعاش وتىرعىزىلدى. «تازا قازاقستان» جوباسى اياسىندا ۇيىمداستىرىلعان شاراعا تٷركٸستان وبلىسىنىڭ ەكٸمٸ دارحان ساتىبالدى, زييالى قاۋىم ٶكٸلدەرٸ, دەپۋتاتتار, تٷركٸستان قالالىق ٶزبەك ەتنو-مەدەني بٸرلەستٸگٸ, مەملەكەتتٸك قىزمەتشٸلەر, كوممۋنالدىق سالا ٶكٸلدەرٸ مەن قالا تۇرعىندارى قاتىستى. ولار ورتالىق مەشٸت اۋلاسىنا, «كەرۋەن ساراي» ماڭىنداعى «ارەنا» الدى مەن تۋريزيم ۋنيۆەرسيتەتٸنٸڭ جانىنا سەندٸك اعاشتار, بوزارشا, قاراعاش, شاعان, ٷيەڭكٸ, سىندى اعاش تٷرلەرٸن ەكتٸ, دەپ حابارلايدى Dalanews.kz تٷركٸستان وبلىسى ەكٸمٸنٸڭ باسپاسٶز قىزمەتٸنە سٸلتەمە جاساپ.
يگٸ باستاماعا قولداۋ بٸلدٸرگەن وبلىس ەكٸمٸ دارحان ساتىبالدى كٶپپەن بٸرگە اعاش كٶشەتتەرٸن ەگٸپ, اعاش وتىرعىزۋ – ەكولوگييالىق تازا بولاشاققا جاسالعان ماڭىزدى قادام ەكەنٸن اتاپ ٶتتٸ. ەربٸر تۇرعىن تازالىقتى ٶز اۋلاسىنان باستاپ, قالا اۋماعىن جاسىل جەلەكپەن كٶمكەرۋگە ٷلەس قوسۋ كەرەكتٸگٸن جەتكٸزدٸ.
– تاياۋدا پرەزيدەنتٸمٸز تٷركٸستان ٶڭٸرٸنە جاساعان ساپارىندا تٷركٸستاننىڭ تازا ەرٸ كٶرٸكتٸ قالاعا اينالعانىن اتاپ ٶتتٸ. تٷركٸستاندى باقپەن كٶمكەرٸلگەن شاھارعا اينالدىرۋ ٷشٸن جاسىل جەلەك قورىن ۇلعايتۋعا مٸندەتتٸمٸز. بٸزدٸڭ ەسەم قالامىز بۇرىنعىدان دا سۇلۋ ەرٸ جاسىل جەلەككە بٶلەنۋٸ ٷشٸن قالالىقتاردى وسى باستامانى قولداۋعا شاقىرامىن, – دەدٸ وبلىس ەكٸمٸ.
ايتا كەتەيٸك, وبلىس ەكٸمٸنٸڭ تاپسىرماسىنا سەيكەس, تٷركٸستان وبلىسىنىڭ ەلدٸ مەكەندەرٸن كٶگالداندىرۋدىڭ 2022-2024 جىلدارعا ارنالعان ٸس-شارا جوسپارى بەكٸتٸلدٸ. جوسپار اياسىندا بٷگٸنگٸ كٷنگە دەيٸن 2 ميلليونعا جۋىق كٶشەت ەگٸلدٸ. ونىڭ ٸشٸندە, تٷركٸستاندى كٶگالداندىرۋدا جٷيەلٸ جۇمىستار اتقارىلۋدا.
بيىلعى جىلدىڭ سوڭىنا دەيٸن وبلىس بويىنشا 500 مىڭنان اسا كٶشەت ەگٸلەدٸ دەپ كٷتٸلۋدە. قازٸرگٸ تاڭدا وسى باعىتتا جۇمىس جٷرٸپ جاتىر.
تٷركٸستاندا رەسپۋبليكا كٷنٸنە وراي 100 تٷپ اعاش وتىرعىزىلدى
