Jıynǵa QR Memlekettik qyzmet isteri jáne sybaılas jemqorlyqqa qarsy is-qımyl agenttiginiń Túrkistan oblysy boıynsha departamentiniń basshysy Ǵ.Tursynbaev, Q.A.Iasaýı atyndaǵy Halyqaralyq qazaq-túrik ýnıversıtetiniń Prezıdenti B.Abdrasılov, «Syrdarıa» ýnıversıtetiniń rektory S.Daıyrbekov, departament qyzmetkerleri, ýnıversıtet ujymy men stýdentteri qatysty.
Kezdesýde sóz alǵan Departament basshysy Ǵ.Tursynbaev Otanymyzdyń kemel bolashaǵy jastarmen baılanysty ekenin Elbasy eskerip, «2019 jyl – Jastar jyly» dep jarıalanǵanyn atap ótti.
Óz kezeginde, ashylǵaly jatqan mekteptiń maqsaty – memlekettik qyzmetke eń myqty, bilimdi, bilikti, patrıottyq sezimi bar jastardy tarta otyryp, Agenttiktiń tarapynan zań aıasynda qoldaý kórsetile otyryp, olardy memlekettik qyzmetke ornalastyrýǵa yqpal jasaý.
Baıandamanyń sońynda Ǵalym Sultanuly Memlekettik qyzmet mektebiniń sapasyn joǵary dárejede júrgizip, óndiristik tájirıbe kezinde de jastardy sapaly bilim berýde birqatar naqty usynystar engizdi.
Al Ýnıversıtet Prezıdenti Bolatbek Serikbaıuly Agenttik tarapynan stýdentterdi qoldaý baǵytynda júrgizilip jatqan jumystarǵa rızashylyǵyn bildirip, ýnıversıtet tarapynan Memlekettik qyzmet mektebine eń laıyqty stýdentter iriktelgenin atap ótti.
Memlekettik qyzmetshiler mektebiniń ashylý rásiminen keıin ýnıversıtet prezıdenti men Departament basshysy ózara yntymaqtastyq týraly memorandýmǵa qol qoıdy.
«Dalanews» aqparat
