تٷركٸستاندا مەملەكەتتٸك قىزمەت مەكتەبٸ اشىلدى
جيىنعا قر مەملەكەتتٸك قىزمەت ٸستەرٸ جەنە سىبايلاس جەمقورلىققا قارسى ٸس-قيمىل اگەنتتٸگٸنٸڭ تٷركٸستان وبلىسى بويىنشا دەپارتامەنتٸنٸڭ باسشىسى ع.تۇرسىنباەۆ, ق.ا.ياساۋي اتىنداعى حالىقارالىق قازاق-تٷرٸك ۋنيۆەرسيتەتٸنٸڭ پرەزيدەنتٸ ب.ابدراسيلوۆ, «سىردارييا» ۋنيۆەرسيتەتٸنٸڭ رەكتورى س.دايىربەكوۆ, دەپارتامەنت قىزمەتكەرلەرٸ, ۋنيۆەرسيتەت ۇجىمى مەن ستۋدەنتتەرٸ قاتىستى.
كەزدەسۋدە سٶز العان دەپارتامەنت باسشىسى ع.تۇرسىنباەۆ وتانىمىزدىڭ كەمەل بولاشاعى جاستارمەن بايلانىستى ەكەنٸن ەلباسى ەسكەرٸپ, «2019 جىل – جاستار جىلى» دەپ جارييالانعانىن اتاپ ٶتتٸ.
ٶز كەزەگٸندە, اشىلعالى جاتقان مەكتەپتٸڭ ماقساتى – مەملەكەتتٸك قىزمەتكە ەڭ مىقتى, بٸلٸمدٸ, بٸلٸكتٸ, پاتريوتتىق سەزٸمٸ بار جاستاردى تارتا وتىرىپ, اگەنتتٸكتٸڭ تاراپىنان زاڭ اياسىندا قولداۋ كٶرسەتٸلە وتىرىپ, ولاردى مەملەكەتتٸك قىزمەتكە ورنالاستىرۋعا ىقپال جاساۋ.
باياندامانىڭ سوڭىندا عالىم سۇلتانۇلى مەملەكەتتٸك قىزمەت مەكتەبٸنٸڭ ساپاسىن جوعارى دەرەجەدە جٷرگٸزٸپ, ٶندٸرٸستٸك تەجٸريبە كەزٸندە دە جاستاردى ساپالى بٸلٸم بەرۋدە بٸرقاتار ناقتى ۇسىنىستار ەنگٸزدٸ.
ال ۋنيۆەرسيتەت پرەزيدەنتٸ بولاتبەك سەرٸكبايۇلى اگەنتتٸك تاراپىنان ستۋدەنتتەردٸ قولداۋ باعىتىندا جٷرگٸزٸلٸپ جاتقان جۇمىستارعا ريزاشىلىعىن بٸلدٸرٸپ, ۋنيۆەرسيتەت تاراپىنان مەملەكەتتٸك قىزمەت مەكتەبٸنە ەڭ لايىقتى ستۋدەنتتەر ٸرٸكتەلگەنٸن اتاپ ٶتتٸ.
مەملەكەتتٸك قىزمەتشٸلەر مەكتەبٸنٸڭ اشىلۋ رەسٸمٸنەن كەيٸن ۋنيۆەرسيتەت پرەزيدەنتٸ مەن دەپارتامەنت باسشىسى ٶزارا ىنتىماقتاستىق تۋرالى مەموراندۋمعا قول قويدى.
«Dalanews» اقپارات
