Túrkistanda latynǵa kóshý taqyryby talqylandy
Jiyn barysynda baiandama jasaǵan «Injeneriia» fakýltetiniń oqytýshysy Nurbai Dosanov búgingi elimizdiń saiasi, ekonomikalyq, ǵylymi, halyqaralyq mańyzy bar máseleler toǵysynda, internet pen uialy bailanystardyń jazarmandary men qoldanýshylary, ásirese jastar latyn tiliniń qajettiligin erte túsingenin alǵa tartty.
– Túrki tildes elder úshin latyn grafikasyn engizý arqyly bizder, búkil dúniejúzindegi qazaq halqyn biriktirý ideiasyn júzege asyramyz. Latyn grafikasyndaǵy qazaq álipbiine kóshýdegi utarymyz, batystyq damyǵan memlekettermen terezemiz teńesip, túrki álemimen aqparattyq-mádeni integratsiiamyz nyǵaiady jáne elimizdiń bilim deńgeii álemdik bilim deńgeiine kóterilýine, bastaýysh satyda oqý júktemesiniń azaiyp, bilim sapasynyń artýyna jańa múmkindikter týady. Óitkeni qazirgi ózgermeli, aqparattyq kommýnikatsiialyq zamanda latyn álipbiine negizdelgen saýat ashý qajettiligi týyndap otyr, – dedi «Injeneriia» fakýltetiniń oqytýshysy Nurbai Dosanov.
Jiyn barysynda osy aitylǵandardy negizge ala otyryp, qazirgi aqparattyq zaman talabyna sáikes latynǵa negizdelgen ulttyq qundylyqtarymyzdy saqtai otyryp, saýat ashý oqýlyqtaryn, oqý ádistemelik quraldaryn qurastyrý qajet ekeni aityldy.
– Latyn qárpine bailanysty kóshýdi kópten beri qoǵam jáne memleket qairatkerleri aityp, bastama kóterip keledi. Latyn álipbiine kóshý, qaita jańǵyrý zamanyndaǵy elimizdiń, mádeniettiń, tildiń damýyna, qoldanysyn keńeitýge kúshti áser etedi, qazaq tiline airyqsha mańyz berip, qaitadan jappai oqýǵa sebep bolady. Túbi bir túrki jurtynyń rýhani úndesýine, latyn qarpi jarqyn jol ashady, – dedi oqý ádistemelik ister jónindegi dekan orynbasary PhD,. dotsent Dinmuhammed Kelesbaev.
