Túrkistanda Uly Otan soǵysyndaǵy Jeńistiń 80 jyldyǵy mereitoiy aiasynda «1941-1945 jyldardaǵy Uly Otan soǵysy — Qazaqstannyń ońtústiginiń tarihynda» atty halyqaralyq ǵylymi-tájiribelik konferentsiia ótti,– dep habarlaidy Dalanews.kz
Konferentsiia Túrkistan oblysynyń tsifrlandyrý, memlekettik qyzmetter kórsetý jáne arhivter basqarmasyna qarasty Túrkistan oblysynyń memlekettik arhivi jáne Túrkistan oblysynyń qoǵamdyq-saiasi tarihynyń memlekettik arhivi mekemeleriniń uiymdastyrýymen Túrkistan qalasyndaǵy Dostyq úiinde ótti.
Sharaǵa Ózbekstan, Resei elderi men Almaty, Shymkent, Qaraǵandy, Oral, Túrkistan qalalarynan tarih jáne pedagogika ǵylymy salasynyń ókilderi, arhiv qyzmetkerleri, joǵary oqý ornynyń stýdentteri mektep oqýshylary offlain jáne onlain formatta qatysty.
Konferentsiiada «Uly Jeńis – urpaqqa mura, tarihqa taǵzym» atty arhivtik qujattar kórmesi usynyldy. Odan bólek, «Ońtústik Qazaqstan 1941-1945 jyldary Uly Otan soǵysy jyldarynda» atty qujattar jinaǵynyń tusaýkeseri ótip, kópshilik qaýymǵa tanystyryldy.
Atalǵan is-shara barysynda kezdesýde Uly Otan soǵysyndaǵy Jeńis merekesiniń 80 jyldyǵyn merekeleýdiń mańyzdylyǵy men ońtústik óńiriniń Uly Jeńiske jasaǵan aýqymdy úlesteri baiandaldy.
Odan bólek, soǵys ardagerleri men tyl eńbekkerleriniń erligi, qaharmandyǵy men qaisarlyǵy baiandaldy. Sondai-aq, konferentsiiada Uly Otan soǵysy týraly tanymdy tereńdetý, jergilikti tarihtyń jańa betterin ashý, tarihi ádilettilik pen patriottyq tárbie jóninde baiandamalar oqylyp, málimetter berildi.
