– Biyl oblysymyzdyń qurylǵanyna 5 jyl! Munda qazir túrli mádeni-kópshilik sharalar turaqty ótip keledi. Apta saiyn kontsertter uiymdastyrylady. Bul kontsert te sonyń jalǵasy ispetti.
«Jibek joly» degen ataý bizge tańsyq emes. Qasietti Túrkistan qalasy Uly Jibek jolynyń boiynda ornalasqan birden-bir tarihi shahar. Ózderińiz kórip otyrǵanyńyzdai, az ýaqyt ishinde ózgerip, adam tanymastai keiipke endi. Halqy da eselep artty.
Qazirgi tańda Túrkistan tek óńirdiń, tipti Qazaqstannyń ǵana emes, túrki áleminiń mádeni-rýhani temirqazyǵyna ainalyp otyr. Bizdiń basty qundylyǵymyz – rýhaniiat pen mádeniet. Barshańyzdy osynaý merekemen shyn júrekten quttyqtaimyn jáne shynaiy alǵys bildiremin, – dedi Beisenbai Dáýletuly.
Al Qazaqstan Respýblikasy Prezidenti Teleradiokesheniniń kreativti direktory Ásel Tursynǵazina óz kezeginde kópshilikti merekemen quttyqtap, sharanyń maqsatyna toqtaldy. Sondai-aq, aldaǵy ýaqytta atalmysh kontsert «Jibek joly» telearnasynan kórsetiletinin jetkizdi.
Tarihtaǵy Uly Jibek joly – Qytaidyń Shi-an degen jerinen bastalyp, Shyńjań, Ortalyq Aziia arqyly Taiaý Shyǵysqa baratyn kerýendik jol baǵyty. Al osy adamzat órkenieti jasaǵan tarihi eskertkishtiń atymen atalatyn Jibek Joly – SilkWay telearnasy Eýropa, Ortalyq Aziia, Taiaý Shyǵys jáne Afrikanyń soltústik bóligine habar taratatyn birden-bir qazaqstandyq arna.
Qala turǵyndary men qonaqtaryna kóterińki kóńil-kúi syilaǵan aqparattyq jáne oiyn-saýyq janryndaǵy sharany Anýar Karbozov pen Janserik Beiseev júrgizdi. Kontsertke elimizge belgili ánshiler, atap aitqanda Mádina Sádýaqasova, Qýandyq Rahym jáne Sh.Qaldaiaqov atyndaǵy oblystyq filarmoniianyń ujymy óner kórsetti.
