Oblys ákimi Ómirzaq Shókeev Uly Otan soǵysyna qatysqan batyrlardy Uly jeńistiń 74 jyldyǵymen quttyqtady.
– Batyrlarymyz qan maidanda erlik jasap júrgen sátte elde qalǵan otandastarymyz da aianyp qalmady. Buǵanasy qatpaǵan jas baladan bastap, eńkeigen kárige deiin tylda eńbek etip, maidangerlerdi azyq-túlikpen, qarýmen, kiimmen qamtamasyz etti. Tipti, qyzdarymyz da maidanǵa attanyp, ardaqty analarymyz aýyr jumystardy atqardy. QR Tuńǵysh Prezidenti Nursultan Nazarbaev «Bizdiń ardagerlerge degen qurmetimiz olardyń erliginen kem túspeýge tiis» dep aitqan bolatyn. Endeshe, soǵys jáne tyl ardagerlerin, Túrkistan oblysynyń barsha turǵyndaryn 9 mamyr – Jeńis kúni merekesimen quttyqtaimyn! Ardagerlerimiz aman, jastarymyz otanshyl bolsyn! Otbasylaryńyzǵa amandyq, jumystaryńyzǵa tabys tileimin, – dedi oblys ákimi Ó.Estaiuly.
Merekege jinalǵan kópshilik nazaryna «Jeńis alaýy» teatrlandyrylǵan sazdy-horegrafiialyq kompozitsiiasy usynyldy. Sonymen qatar, kontserttik baǵdarlama ótip, «Qazaq eline myń alǵys!» teatrlandyrylǵan sazdy kompozitsiiasy oryndaldy. Budan basqa, sharada ardaqty ardagerler maidanda erlikpen qaza tapqandardyń rýhyna taǵzym jasap, «Dańq» memorialyna gúl shoqtaryn qoiý rásimi ótti.
Aita keteiik, qazaq jerinen Uly Otan soǵysyna bir millionnan astam erjúrek jaýyngerler qan maidanǵa attanǵan. Jalpy oblystan Uly Otan soǵysyna 140 myńnan astam azamat attanyp, onyń 70 myńy elge oraldy. Onyń ishinde 51-i Keńes Odaǵynyń batyrlary, 1-i Halyq qaharmany jáne 8-i úshinshi dárejeli «Dańq» ordeni kavalerleri ataǵyn alǵan. Qazirgi tańda oblysta 63 Uly Otan soǵysy ardagerleri men 9445 tyl eńbekkerlerine jáne 521 Uly Otan soǵysy ardagerlerine teńestirilgen azamattar bar.
Túrkistan oblysy ákiminiń baspasóz qyzmeti
