وبلىس اكىمى ءومىرزاق شوكەيەۆ ۇلى وتان سوعىسىنا قاتىسقان باتىرلاردى ۇلى جەڭىستىڭ 74 جىلدىعىمەن قۇتتىقتادى.
– باتىرلارىمىز قان مايداندا ەرلىك جاساپ جۇرگەن ساتتە ەلدە قالعان وتانداستارىمىز دا ايانىپ قالمادى. بۇعاناسى قاتپاعان جاس بالادان باستاپ، ەڭكەيگەن كارىگە دەيىن تىلدا ەڭبەك ەتىپ، مايدانگەرلەردى ازىق-تۇلىكپەن، قارۋمەن، كيىممەن قامتاماسىز ەتتى. ءتىپتى، قىزدارىمىز دا مايدانعا اتتانىپ، ارداقتى انالارىمىز اۋىر جۇمىستاردى اتقاردى. ق ر تۇڭعىش پرەزيدەنتى نۇرسۇلتان نازاربايەۆ «ءبىزدىڭ ارداگەرلەرگە دەگەن قۇرمەتىمىز ولاردىڭ ەرلىگىنەن كەم تۇسپەۋگە ءتيىس» دەپ ايتقان بولاتىن. ەندەشە، سوعىس جانە تىل ارداگەرلەرىن، تۇركىستان وبلىسىنىڭ بارشا تۇرعىندارىن 9 مامىر – جەڭىس كۇنى مەرەكەسىمەن قۇتتىقتايمىن! ارداگەرلەرىمىز امان، جاستارىمىز وتانشىل بولسىن! وتباسىلارىڭىزعا اماندىق، جۇمىستارىڭىزعا تابىس تىلەيمىن، – دەدى وبلىس اكىمى ءو.ەستاي ۇلى.
مەرەكەگە جينالعان كوپشىلىك نازارىنا «جەڭىس الاۋى» تەاترلاندىرىلعان سازدى-حورەگرافيالىق كومپوزيسياسى ۇسىنىلدى. سونىمەن قاتار، كونسەرتتىك باعدارلاما ءوتىپ، «قازاق ەلىنە مىڭ العىس!» تەاترلاندىرىلعان سازدى كومپوزيسياسى ورىندالدى. بۇدان باسقا، شارادا ارداقتى ارداگەرلەر مايداندا ەرلىكپەن قازا تاپقانداردىڭ رۋحىنا تاعزىم جاساپ، «داڭق» مەموريالىنا گۇل شوقتارىن قويۋ ءراسىمى ءوتتى.
ايتا كەتەيىك، قازاق جەرىنەن ۇلى وتان سوعىسىنا ءبىر ميلليوننان استام ەرجۇرەك جاۋىنگەرلەر قان مايدانعا اتتانعان. جالپى وبلىستان ۇلى وتان سوعىسىنا 140 مىڭنان استام ازامات اتتانىپ، ونىڭ 70 مىڭى ەلگە ورالدى. ونىڭ ىشىندە 51ء-ى كەڭەس وداعىنىڭ باتىرلارى، 1ء-ى حالىق قاھارمانى جانە 8ء-ى ءۇشىنشى دارەجەلى «داڭق» وردەنى كاۆالەرلەرى اتاعىن العان. قازىرگى تاڭدا وبلىستا 63 ۇلى وتان سوعىسى ارداگەرلەرى مەن 9445 تىل ەڭبەككەرلەرىنە جانە 521 ۇلى وتان سوعىسى ارداگەرلەرىنە تەڭەستىرىلگەن ازاماتتار بار.
تۇركىستان وبلىسى اكىمىنىڭ باسپا ءسوز قىزمەتى
