Otyrysqa Túrkistan oblysy ákiminiń orynbasary Arman Sábıtov, Túrkistan oblysy Qoǵamdyq densaýlyq basqarma basshysy Marat Pashımov, TMD densaýlyq saqtaý salasyndaǵy yntymaqtastyq jónindegi keńestiń músheleri, TMD elektrondyq densaýlyq saqtaýdyń ulttyq júıelerin ıntegrasıalaý máseleleri jónindegi jumys tobynyń músheleri jáne Armenıa, Belarýs, Qazaqstan, Qyrǵyzstan, Reseı, Tájikstan, Túrkimenstan jáne Ózbekstannyń ókiletti ókilderi, Dúnıejúzilik densaýlyq saqtaý uıymynyń Eýropalyq óńirlik búrosynyń, Eýrazıalyq damý bankiniń sıfrlyq bastamalar dıreksıasynyń ókilderi, sondaı-aq TMD Atqarýshy komıtetiniń ókilderi qatysty.
QR DSM-niń basshysy otyrys barysynda qazirgi Qazaqstan álemdik úrdisterden tys qalmaıtynyn jáne medısına salasy aýrýlardy anyqtaý, aldyn alý, den qoıý jáne baqylaý salasynda jańa bilimdi qalyptastyrý jáne praktıkalyq sharalar ázirleý úshin sıfrlyq quraldardy belsendi paıdalanatynyn atap ótti.
– Pandemıa Qazaqstan úshin qoǵamdyq densaýlyqqa baılanysty tótenshe jaǵdaılarǵa daıyndyq jáne onymen kúres salasyndaǵy prosester men derekterdi sıfrlandyrýǵa kóbirek kóńil bólýge túrtki boldy, – dep atap ótti Ajar Ǵınıat.
QR DSM-niń Elektrondyq densaýlyq saqtaýdy damytý departamentiniń dırektory Farhad Bekbolatov dóńgelek ústelge qatysýshylardy densaýlyq saqtaý júıesiniń barlyq deńgeılerinde pandemıamen kúresý úshin belsendi paıdalanylǵan, Qazaqstanda iske asyrylǵan birneshe sıfrlyq jobalar týraly habardar etti.
– Qazaqstan Respýblıkasynyń elektrondyq densaýlyq saqtaýdy damytý strategıasy monopolıasyzdandyrý jáne ortalyqsyzdandyrý qaǵıdattaryna negizdelgen densaýlyq saqtaýdy aqparattandyrý salasyndaǵy sheshimderdiń ashyq naryǵyn qalyptastyrýǵa qaıta baǵdarlanǵan bolatyn, – dedi óz sózinde F.Bekbolatov.
5,8 myńnan astam memlekettik densaýlyq saqtaý obektilerinde medısınalyq uıymdardyń IT-ınfraqurylymy damyǵan (98%), medısınalyq aqparattyq júıeler (98,2%), mobıldi jáne veb-qosymshalar (20-dan astam) engizilgen, olardy ıntegrasıalaý júzege asyrylǵan. Turǵyndar úshin pasıenttiń jeke kabınetindegi eGov elektrondyq úkimet portalyndaǵy jáne eGovMobile mobıldik qosymshasyndaǵy birqatar sıfrlyq servıster iske asyrylǵan.
Olar: vaksınasıa pasporty; «Vaksınasıa», «vaksınasıaǵa jazylý»; klınıkalyq qyzmetterdi kórsetý baǵyttary men nátıjeleri; elektrondyq reseptiler; aýrýhanaǵa jatqyzý joldamalary men úzindi kóshirmeler. Sıfrlyq transformasıa aıasynda eHealth elektrondy densaýlyq saqtaýdyń jańa sandyq arhıtektýrasyna kóshý jumystary bastaldy.
– Densaýlyq saqtaýdy sıfrlandyrý salasyn transformasıalaýdyń negizgi mindeti mınıstrliktiń, onyń vedimistik baǵynysty uıymdarynyń, medısınalyq uıymdardyń aqparattyq júıelerin biriktirý bolyp tabylady. Bul sıfrlyq densaýlyq saqtaýdyń maqsatty arhıtektýrasyn qurý, derbes medısınalyq derekterdi ruqsatsyz jarıalaý jáne taratý qaýpin boldyrmaý jáne medısınalyq uıymdar arasynda klınıkalyq derektermen almasý úshin qajet, – dep tolyqtyrdy QR DSM-niń Elektrondyq densaýlyq saqtaýdy damytý departamentiniń basshysy.
Bul rette eHealth elektrondyq densaýlyq saqtaý arhıtektýrasy azamattardyń densaýlyǵyna arnalǵan ulttyq elektrondyq pasportty tolyqqandy jáne jan-jaqty qalyptastyrýǵa yqpal etedi, bul azamattardyń qajettilikterine baǵdarlanǵan medısınalyq kómektiń sapasy men qoljetimdiligin arttyrýdy, sondaı-aq pasıentterdiń densaýlyq jaǵdaıyn úzdiksiz baqylaýdy júzege asyrýǵa jáne medısınalyq servısterdi usynýǵa kóshýdi qamtamasyz etedi.
Medısınalyq qyzmet kórsetý sapasyn baǵalaý úshin pasıenttermen keri baılanysty uıymdastyrý qajettiligin eskere otyryp, statısıkalyq derekterdi jınaý, saqtaý jáne usynýdyń sıfrlyq tehnologıalaryna qurylǵan medısınalyq uıymdar pasıentteriniń qanaǵattanýyn qadaǵalaýdyń ártúrli júıeleri josparly túrde engizilýde.
Jaqyn arada medısınalyq beıneler men zerthanalyq zertteýler úshin qoıma qurý, medısınalyq uıymdar arasynda klınıkalyq derektermen almasý servısi, memlekettik medısınalyq mekemelerdi dári-dármekpen qamtamasyz etý prosesin avtomattandyrýdy júrgizý josparlanyp otyr.
eGovMobile mobıldi qosymshasynda jańa «eGov.Densaulyk» bólimi ázirlenýde, ol halyqqa arnalǵan neǵurlym aýqymdy aqparatty, atap aıtqanda donorlyq mártebesi (ómir boıǵy); elektrondyq reseptiler; medısınalyq sý taratqyshtar týraly málimetter; júkti áıelderdi esepke alý; dıspanserlik esepke alý; emdeýge jatqyzý faktisi; vaksınasıalaý; zerthanalyq zertteýler nátıjeleri; kórsetilgen klınıkalyq-dıagnostıkalyq qyzmetter jáne eńbekke jaramsyzdyq paraqtary boıynsha aqparatty qamtıdy. Densaýlyq saqtaý salasyna qatysty barlyq aqparat eGovMobile bir bóliminde biriktirilip, azamattarǵa qoljetimdi bolady. Azamat óziniń medısınalyq derekterine jyldam qol jetkize alady, bul medısınalyq kómek kórsetýdiń ashyqtyǵyn qamtamasyz etedi.
– Aǵymdaǵy jaǵdaı bizge 2025 jylǵa deıingi Qazaqstan Respýblıkasy Densaýlyq saqtaý strategıalyq mindetteriniń negizine aınalǵan densaýlyq saqtaýdy sıfrlandyrýdy damytýda jańa syn-qaterler týǵyzady. Úsh strategıalyq basymdyq aıqyndaldy - medısınalyq kómek alý kezinde teńsizdikti tómendetý; medısınalyq kómektiń qoljetimdiligi men medısınalyq kómektiń sapasyn arttyrý, – dep atap ótti F.Bekbolatov.
Sondaı-aq, Belarýs Respýblıkasy Densaýlyq saqtaý mınıstrligi Mamandandyrylǵan medısınalyq kómek basqarmasynyń bastyǵy Tatána Sanýkevıch, Qyrǵyz Respýblıkasy Densaýlyq saqtaý mınıstriniń sıfrlandyrý jónindegi orynbasary Nýraıla Sherıeva, Reseı Federasıasy Densaýlyq saqtaý mınıstrliginiń Sıfrlyq damý jáne aqparattyq tehnologıalar departamenti dırektorynyń orynbasary Olıa Artemova, Tájikstan Respýblıkasy Densaýlyq saqtaý jáne halyqty áleýmettik qorǵaý mınıstrliginiń sıfrlandyrý jónindegi bas mamany, TMD elektrondyq densaýlyq saqtaýdyń ulttyq júıelerin ıntegrasıalaý máseleleri jónindegi jumys tobynyń múshesi Manýchehr Shamsýllozoda, Ózbekstan Respýblıkasy Densaýlyq saqtaý mınıstrligi janyndaǵy «IT-MED» JSHQ dırektory Artýr Hakımovóz elderinde sıfrlyq densaýlyq saqtaýdyń damýy týraly habardar etti.
