Túrkistanda óńirinde «Aýylda densaýlyq saqtaýdy jańǵyrtý» ulttyq pilottyq jobasy aiasyna 49 meditsinalyq sanitarlyq alǵashqy kómek nysandarynyń qurylysy engizilgen. Osy baǵyttaǵy jumystardy pysyqtaý maqsatynda oblys ákiminiń orynbasary Beisenbai Tájibaevtyń tóraǵalyǵymen jiyn ótti. Onda júrgizilip jatqan qurylys jumystarynyń barysy talqylandy, – dep habarlaidy Dalanews.kz Túrkistan oblysy ákiminiń baspasóz qyzmetine silteme jasap.
– Óńir turǵyndarynyń densaýlyǵyn jaqsartý barysynda olarǵa sapaly meditsinalyq qyzmetter kórsete alýymyz qajet. Bul rette sońǵy úlgidegi zamanaýi densaýlyq mekemeleri mańyzdy ról oinaidy. Oblys basshysy Darhan Amangeldiulynyń tikelei qoldaýymen qanshama densaýlyq nysannyń qurylysy júrgizilip jatyr. Onyń ishinde 20 dárigerlik ambýlatoriia, 23 feldsherlik-akýsherlik jáne 6 meditsinalyq pýnkt qamtylǵan. Salǵyrttyq tanytyp, bei-jai qaraǵan merdigerler jaýapsyz qalmaidy, – degen ákim orynbasary merziminde oryndaýdy tapsyryp, birqatar mindetter júktedi.
Jiynǵa jaýapty basqarmalardyń basshylary men merdiger mekemeler qatysty. Jobalardyń tapsyrys berýshisi – oblystyq qurylys basqarmasynyń basshysy Toqtar Úsipáliev sóz alyp, merdigerlerge júrgizilip jatqan qurylys nysandarynyń sapaly ári bekitilgen kestege sáikes ýaqytyly oryndaýdy qatań tapsyrdy. Merziminen keshikken merdiger mekemelerge zań talaptaryna sai aiyppul salynatyny eskertildi.
Biyl 7 densaýlyq saqtaý nysanyna kúrdeli jóndeý jumystaryn bastaý josparlanǵan. Qazirgi tańda Jetisai, Sozaq jáne Sairam aýdanyndaǵy úsh nysannyń JSQ-lary memlekettik saraptamadan ótkizilýde. Bireýi memlekettik saraptamanyń oń qorytyndysyn alyp, memlekettik satyp alý portalyna konkýrsy jariialandy. Al Kentaý qalasy men Keles, Báidibek aýdandarynda tiisti jumystar júrip jatyr.
