تۇركىستاندا وڭىرىندە «اۋىلدا دەنساۋلىق ساقتاۋدى جاڭعىرتۋ» ۇلتتىق پيلوتتىق جوباسى اياسىنا 49 مەديسينالىق سانيتارلىق العاشقى كومەك نىساندارىنىڭ قۇرىلىسى ەنگىزىلگەن. وسى باعىتتاعى جۇمىستاردى پىسىقتاۋ ماقساتىندا وبلىس اكىمىنىڭ ورىنباسارى بەيسەنباي تاجىبايەۆتىڭ توراعالىعىمەن جيىن ءوتتى. وندا جۇرگىزىلىپ جاتقان قۇرىلىس جۇمىستارىنىڭ بارىسى تالقىلاندى، – دەپ حابارلايدى Dalanews.kz تۇركىستان وبلىسى اكىمىنىڭ باسپا ءسوز قىزمەتىنە سىلتەمە جاساپ.
– ءوڭىر تۇرعىندارىنىڭ دەنساۋلىعىن جاقسارتۋ بارىسىندا ولارعا ساپالى مەديسينالىق قىزمەتتەر كورسەتە الۋىمىز قاجەت. بۇل رەتتە سوڭعى ۇلگىدەگى زاماناۋي دەنساۋلىق مەكەمەلەرى ماڭىزدى ءرول وينايدى. وبلىس باسشىسى دارحان امانگەلدى ۇلىنىڭ تىكەلەي قولداۋىمەن قانشاما دەنساۋلىق نىساننىڭ قۇرىلىسى جۇرگىزىلىپ جاتىر. ونىڭ ىشىندە 20 دارىگەرلىك امبۋلاتوريا، 23 فەلدشەرلىك-اكۋشەرلىك جانە 6 مەديسينالىق پۋنكت قامتىلعان. سالعىرتتىق تانىتىپ، بەي-جاي قاراعان مەردىگەرلەر جاۋاپسىز قالمايدى، – دەگەن اكىم ورىنباسارى مەرزىمىندە ورىنداۋدى تاپسىرىپ، ءبىرقاتار مىندەتتەر جۇكتەدى.
جيىنعا جاۋاپتى باسقارمالاردىڭ باسشىلارى مەن مەردىگەر مەكەمەلەر قاتىستى. جوبالاردىڭ تاپسىرىس بەرۋشىسى – وبلىستىق قۇرىلىس باسقارماسىنىڭ باسشىسى توقتار ۇسىپالييەۆ ءسوز الىپ، مەردىگەرلەرگە جۇرگىزىلىپ جاتقان قۇرىلىس نىساندارىنىڭ ساپالى ءارى بەكىتىلگەن كەستەگە سايكەس ۋاقىتىلى ورىنداۋدى قاتاڭ تاپسىردى. مەرزىمىنەن كەشىككەن مەردىگەر مەكەمەلەرگە زاڭ تالاپتارىنا ساي ايىپپۇل سالىناتىنى ەسكەرتىلدى.
اتالعان جيىندا كوتەرىلگەن ماسەلەلەردى جوسپارعا ساي ورىنداۋعا 10 كۇن ۋاقىت بەرىلدى. ايتىلعان ەسكەرتپەلەردەن ناتيجە شىعارىپ، كەلەسى جيىن وتىرىسىنا دەيىن ورىندالىپ جاتقان جۇمىس ساپاسى مەن كولەمىن بايانداۋ قاجەت دەدى. ءتيىستى دەڭگەيگە جەتكىزبەگەن مەردىگەر مەكەمەلەرگە زاڭ تالاپتارىنا سايكەس قاتاڭ شارالار قابىلدانىپ، ايىپپۇل سالىنادى.
بيىل 7 دەنساۋلىق ساقتاۋ نىسانىنا كۇردەلى جوندەۋ جۇمىستارىن باستاۋ جوسپارلانعان. قازىرگى تاڭدا جەتىساي، سوزاق جانە سايرام اۋدانىنداعى ءۇش نىساننىڭ جسق-لارى مەملەكەتتىك ساراپتامادان وتكىزىلۋدە. بىرەۋى مەملەكەتتىك ساراپتامانىڭ وڭ قورىتىندىسىن الىپ، مەملەكەتتىك ساتىپ الۋ پورتالىنا كونكۋرسى جاريالاندى. ال كەنتاۋ قالاسى مەن كەلەس، بايدىبەك اۋداندارىندا ءتيىستى جۇمىستار ءجۇرىپ جاتىر.
