Túrkistanda da Nazarbaevqa eskertkish ornatyldy
Eskertkishtiń biiktigi – tórt metr. Qoladan jasalǵan músinniń avtory – Qazaqstannyń eńbek sińirgen restavratory, Qazaqstan Sýretshiler odaǵynyń múshesi Tileýberdi Binashev.
"Eskertkish QR Tuńǵysh Prezidenti – Elbasy N.Nazarbaevtyń egis alqabynda túsken fotosýretine qarap jasalǵan. Túrkistandaǵy jańa ákimshilik-iskerlik ortalyǵynda ornatylǵan músinniń kompozitsiiasynda "Uly Dalanyń Uly" atty Elbasy eskertkishinde qart Qarataýdyń sulbasy beinelengen. Avtor Elbasynyń Qarataý jazyǵynda sheksiz dalaǵa baiyppen qaraǵan sátin sýrettegen", - dep habarlady ákimdik.
Nazarbaevqa eskertkish qoiý týraly bastamany kásipker Bolatbek Aliev kóterip, atalǵan ideiaǵa túrkistandyq ardager-aqsaqaldar, ziialy qaýym ókilderi, máslihat depýtattary men kásipkerler, qoǵamdyq uiym ókilderi qoldaý bildirgen.
Túrkistan ákimdigi osy bastama boiynsha jergilikti turǵyndar arasynda saýalnama júrgizdi.
“Saýalnamaǵa 1000 respondent qatysyp, olardyń 93% bastamany qoldaityndaryn bildirgen bolsa, respondentterdiń 4,5% qarsy, 2,5% beitarap pozitsiiany ustanǵan", - dep qorytyndylady ákimdik.
