Túrkistanda bilim berýdegi jańa tásilderdi jetildirý máselesi sóz boldy
El prezidentiniń biylǵy joldaýy bilim nárimen sýsyndatýshy ustazdar qaýymyna tyń serpin berip otyr. Olardyń áleýmettik jaǵdaiyn jaqsartý bastapqy orynǵa shyǵarylǵan. Saiasattyń qolbalasyna ainalyp ketken muǵalimderdiń mártebesin kóterý jaǵy da nazardan tys qalyp otyrǵan joq.
«Órleý» institýtynyń Túrkistan oblysy boiynsha direktorynyń orynbasary Shynar Ergeshbaevanyń aitýynsha osy kezdesýde Elbasy Joldaýyndaǵy Bilim salasy qaýymdastyǵyna qarata aitylǵan kóptegen problemalar kóterilip, tapsyrmalardy oryndaý joldaryn talqylandy.
"Búgingi kezdesýde kóterilgen máselelerdi jinaqtap Bilim jáne ǵylym ministrligine joldamaqpyz. Prezident aitqandai ádistemelik bilim álsiz, bar bolǵanymen qýaty joq. Osynyń sebepterin zerttep, monitoring júrgizip, keleshekte Túrkistan oblysynyń muǵalimderine «Órleý» óziniń monitoringtik baǵdarlamasyn jaryqqa shyǵarmaqshy", – deidi ol.
Sharaǵa qatysqan Túrkistan oblystyq bilim basqarmasynyń basshysy Isatai Saǵyndyqov óz kezeginde:
«Oqýshylar bizdiń muǵalimderden artyq bilip jatqan jaiy bar. Sebebi ýniversitet baǵdarlamasy buryn bekitilip qoiǵan standart. Al qazirgi Nazarbaev mektebiniń tájiribesin alatyn bolsaq, sýmativti baǵalaý iaǵni nátijege bailanysty baǵalaý áli institýttarda berilgen joq. Biraq sabaq berip jatqan muǵalimderdi «sen institýtta bilim alǵan joqsyń, sen muny bilmeisiń» dep laqtyryp tastai almaimyz ǵoi. Sondyqtan olardyń biliktilikterin kóterip, qazirgi zaman talaptaryna sai qaitadan daiyndaýymyz kerek» degen pikil bildirdi.
