ەل پرەزيدەنتىنىڭ بيىلعى جولداۋى ءبىلىم نارىمەن سۋسىنداتۋشى ۇستازدار قاۋىمىنا تىڭ سەرپىن بەرىپ وتىر. ولاردىڭ الەۋمەتتىك جاعدايىن جاقسارتۋ باستاپقى ورىنعا شىعارىلعان. ساياساتتىڭ قولبالاسىنا اينالىپ كەتكەن مۇعالىمدەردىڭ مارتەبەسىن كوتەرۋ جاعى دا نازاردان تىس قالىپ وتىرعان جوق.
«ورلەۋ» ينستيتۋتىنىڭ تۇركىستان وبلىسى بويىنشا ديرەكتورىنىڭ ورىنباسارى شىنار ەرگەشبايەۆانىڭ ايتۋىنشا وسى كەزدەسۋدە ەلباسى جولداۋىنداعى ءبىلىم سالاسى قاۋىمداستىعىنا قاراتا ايتىلعان كوپتەگەن پروبلەمالار كوتەرىلىپ، تاپسىرمالاردى ورىنداۋ جولدارىن تالقىلاندى.
"بۇگىنگى كەزدەسۋدە كوتەرىلگەن ماسەلەلەردى جيناقتاپ ءبىلىم جانە عىلىم مينيسترلىگىنە جولداماقپىز. پرەزيدەنت ايتقانداي ادىستەمەلىك ءبىلىم ءالسىز، بار بولعانىمەن قۋاتى جوق. وسىنىڭ سەبەپتەرىن زەرتتەپ، مونيتورينگ جۇرگىزىپ، كەلەشەكتە تۇركىستان وبلىسىنىڭ مۇعالىمدەرىنە «ورلەۋ» ءوزىنىڭ مونيتورينگتىك باعدارلاماسىن جارىققا شىعارماقشى"، – دەيدى ول.
شاراعا قاتىسقان تۇركىستان وبلىستىق ءبىلىم باسقارماسىنىڭ باسشىسى يساتاي ساعىندىقوۆ ءوز كەزەگىندە:
«وقۋشىلار ءبىزدىڭ مۇعالىمدەردەن ارتىق ءبىلىپ جاتقان جايى بار. سەبەبى ۋنيۆەرسيتەت باعدارلاماسى بۇرىن بەكىتىلىپ قويعان ستاندارت. ال قازىرگى نازاربايەۆ مەكتەبىنىڭ تاجىريبەسىن الاتىن بولساق، ءسۋماتيۆتى باعالاۋ ياعني ناتيجەگە بايلانىستى باعالاۋ ءالى ينستيتۋتتاردا بەرىلگەن جوق. ءبىراق ساباق بەرىپ جاتقان مۇعالىمدەردى «سەن ينستيتۋتتا ءبىلىم العان جوقسىڭ، سەن مۇنى بىلمەيسىڭ» دەپ لاقتىرىپ تاستاي المايمىز عوي. سوندىقتان ولاردىڭ بىلىكتىلىكتەرىن كوتەرىپ، قازىرگى زامان تالاپتارىنا ساي قايتادان دايىنداۋىمىز كەرەك» دەگەن پىكىل ءبىلدىردى.
